मानवतस्करले लिबिया पु-याएका नेपाली युवा त्रिपोलीमा मारिए


रासस प्रकाशित: २०७६-३-१९ गते
मानवतस्करले लिबिया पु-याएका नेपाली युवा त्रिपोलीमा मारिए

काठमाडौं । युरोपेली मुलुक इटाली हिँडेका एक नेपाली युद्धग्रस्त अफ्रिकी देश लिबियामा मारिएका छन्।

मानव तस्करको चङ्गुलमा परेर त्यहाँ पुगेका २७ वर्षीय सन्तोष श्रेष्ठ रात्रि आक्रमणमा परी मारिएको त्रिपोलीस्थित अन्तर्राष्ट्रिय आप्रवास संगठन (आईओएम) लाई उद्धृत गर्दै कायरोस्थित नेपाली दूतावासले जनाएको छ ।

आक्रमणमा परी श्रेष्ठसहित धेरै शरणार्थी तथा आप्रवासीको मृत्यु भएको छ। यही असार १७ गते उक्त आक्रमण भएको र नेपाली मृतकका बारेमा थप विवरण प्राप्त नभएको दूतावासले बताएको छ ।

त्रिपोलीमा रहेका श्रेष्ठको शव नेपाल ल्याउन दुई दिनअघि मात्र यात्रासम्बन्धी कागजात पठाउन आइओएमले नेपाली दूतावासलाई पत्राचार गरेको थियो।

यसअघि आठ जना नेपालीलाई त्यहाँबाट उद्धार गरी नेपाल फर्काइएको थियो। अझै छ जना नेपाली आइओएमको शिविर त्रिपोलीमा रहेको तथा उनीहरूलाई चाँडोभन्दा चाँडो नेपाल फर्काउने प्रयास भइरहेको दूतावासले विज्ञप्ति जारी गरी बताएको छ ।

त्रिपोलीमा कार्यरत नेपाली शान्ति सेनासँग दूतावासले सम्पर्क स्थापना गरी सहयोग एवं समन्वय गरिरहेको जनाएको छ।







गृहमन्त्रीद्वारा नेपाल प्रहरीको कामको प्रशंसा
गृहमन्त्रीद्वारा नेपाल प्रहरीको कामको प्रशंसा

काठमाडौं । गृहमन्त्री रामबहादुर थापाले मुलुकको आन्तरिक सुरक्षा व्यवस्थापनको जिम्मेवारी चुनौतीपूर्ण रहेको बताएका छन् । प्रहरी प्रधान कार्यालय, राष्ट्रिय प्रहरी प्रतिष्ठान मह..

गुल्मीमा भिषण पहिरो (अपडेट) : ८ जनाको मृत्यु, २ बेपत्ता
गुल्मीमा भिषण पहिरो (अपडेट) : ८ जनाको मृत्यु, २ बेपत्ता

गुल्मी। गुल्मीमा पहिरोमा परी मृत्यु हुनेको संख्या ८ पुगेको छ। २ जना बेपत्ता छन् । सोमबार साझँदेखि परेको अविरल वर्षाका कारण जिल्लाको सत्यबति गाउँपालिका २ वटा वडामा पहिरोले..

अब हिमालय एयरलाइन्सले ढाकाको उडान गर्ने
अब हिमालय एयरलाइन्सले ढाकाको उडान गर्ने

काठमाडौं । निजी क्षेत्रको अन्तरराष्ट्रिय वायु सेवा प्रदायक कम्पनी हिमालय एयरलाइन्सले सोमबारदेखि बङ्गलादेशको राजधानी ढाका उडान गर्ने भएको छ । बङ्गलादेशी पर्यटकको नेपाल आगमन..

काठमाडौंमा लगातार ४ दिन १८ वर्षीया किशोरीलाई करणी
काठमाडौंमा लगातार ४ दिन १८ वर्षीया किशोरीलाई करणी

काठमाडौं । ललितपुर बस्ने १८ वर्षीया किशोरीलाई जबरजस्ती करणी गरेको अभियोगमा शनिबार दिउँसो तीन जना पक्राउ परेका छन् । पक्राउ पर्नेमा ललितपुर लगनखेल बस्ने उदयपुर ताप्ली गाउँपा..