तनहुँमा कांग्रेसको गाईजात्रा : 'जोशी कांग्रेस'ले बरिष्ठ नेता पौडेललाई नै कारबाही ठोक्यो ! (विज्ञप्तिसहित)


नेपालपाना प्रकाशित: २०७६-३-२१ गते
तनहुँमा कांग्रेसको गाईजात्रा : 'जोशी कांग्रेस'ले बरिष्ठ नेता पौडेललाई नै कारबाही ठोक्यो ! (विज्ञप्तिसहित)

दमौली । तनहुँमा कांग्रेसका दुई पक्षबीचको विवाद चरमचुलीमा पुगेको छ । पूर्वगृहमन्त्री गोविन्दराज जोशीले पार्टीकै बरिष्ठ नेता रामचन्द्र पौडेलसहित ७ नेताविरुद्ध कारबाही घोषणा गरेका छन् । 

हाल तनहुँमा प्रमुख प्रतिपक्षी कांग्रेसका दुवै पक्षले समानान्तर पार्टी गतिविधी सञ्चालन गरिरहेका छन् । जिल्ला पार्टी कार्यालय र जिल्ला कार्यसमिति पनि दुईवटा नै छन् । पार्टी सभापति शेरबहादुर देउवाको समेत टाउको दुखाई बनिरहेको तनहुँ कांग्रेसको जोशी समूहले शुक्रबार पार्टीकै लेटरप्याड प्रयोग गरी पौडेल लगायत नेतालाई कारबाही गरेको ब्यहोराले प्रेस विज्ञप्ति जारी गरेको हो । 

२०७५ माघ ८ गते संस्थापन कांग्रेस विघटन गरी स्थापना भएको भनिएको नेपाली कांग्रेस तनहुँले रामचन्द्र पौडेल लगायतका नेतालाई कारबाही गरेको हो। सो प्रेस विज्ञप्तिमा जोशी कांग्रेसलाई सहयोग नगरेकोले पार्टीको जिल्ला अनुशासन समितिले केन्द्रीय सदस्य नेता पौडेल, शंकर भण्डारी, महासमिति सदस्यहरू ध्रुव वाग्ले, रघुनाथ पौडेल, बैकुण्ठनाथ न्यौपाने, जीतप्रकाश आले, क्षेत्रीय प्रतिनीधि विश्व बास्तोलासमेतलाई पार्टीको विधान अनुसार कारबाही गरिएको उल्लेख छ। विज्ञप्ति जोशी कांग्रेसका प्रवक्ता हरिशरण पण्डितको नामबाट जारी गरिएको छ । 

वि.सं. २०७४ सालमा सम्पन्न प्रतिनिधि सभा र प्रदेशसभा निर्वाचनमा कांग्रेस तनहुँले तत्कालीन नेतृत्वका कमजोरीको कारण लज्जास्पद हार बेहोर्नुपरेको उल्लेख गर्दै सो विज्ञप्तिमा पौडेल सहितका सात नेतालाई कारबाही गरिएको जनाईएको छ ।

 ‘तनहुँको विशेष अधिवेशनबाट नयाँ जिल्ला कार्यसमिति गठन भई सहज रूपमा काम गर्दै आइरहेको अवस्थामा पार्टीका निष्ठावान, कर्तव्यनिष्ठ, इमान्दार कार्यकर्ताविरुद्ध वक्तव्यबाजी गर्दै केन्द्रीय कार्यालय सानेपामा पार्टी सभापति समक्ष अनाश्यक भ्रम र अफवाह फैलाई पार्टी हितविपरीत काम गरेकोले कारबाही गर्ने निर्णय गरियो,’ विज्ञप्तिमा उल्लेख छ ।


ज्वाँइ गगन थापालाई भन्दा ससुरालाई पछ्याउने बढि !
ज्वाँइ गगन थापालाई भन्दा ससुरालाई पछ्याउने बढि !

काठमाडौं । नेपाली कांग्रेसका नेताद्धय अर्जुननरसिंह केसी र गगन कुमार थापा नाताले ससुरा र ज्वाँई हुन् ।  केसी र थापा दुवै नेता सामाजिक सञ्जाल फेशबुकमा सक्रिय छन् । थापाल..

‘चीनलाई टुक्राउन प्रयास गर्नेको हड्‍डी धुलो बनाइदिन्छौं’
‘चीनलाई टुक्राउन प्रयास गर्नेको हड्‍डी धुलो बनाइदिन्छौं’

काठमाडौं । चिनियाँ राष्ट्रपति सी चिनफिङले नेपालको दुईदिने भ्रमण सकेर स्वदेश फिर्ता भइसक्दा पनि विभिन्न संचारमा समाचारले प्राथमिकता पाइरहेको छ ।  नेपाली मिडियाले भ्रमणक..

काङ्ग्रेस केन्द्रीय कार्यसमितिको बैठक ७ गते
काङ्ग्रेस केन्द्रीय कार्यसमितिको बैठक ७ गते

काठमाडौं । नेपाली काङ्ग्रेसको केन्द्रीय कार्यसमितिको बैठक यही कात्तिक ७ गते बिहीबार दिउँसो २ बजे बिपी स्मृति भवन ललितपुरमा बस्ने भएको छ । मुलुकको पछिल्लो राजनीति घटनाक्रम र..

मन्त्रिमण्डल फेरबदलबारे हल्लामा कुनै सत्यता छैन्: प्रचण्ड
मन्त्रिमण्डल फेरबदलबारे हल्लामा कुनै सत्यता छैन्: प्रचण्ड

कैलाली । नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्डले मन्त्रिमण्डल पूनर्गठन नहुने स्पष्ट पारेका छन् ।  पछिल्लो समय मन्त्रिमण्डल पूनर्गठन हुनेबारे ह..