को हुन् प्रधानमन्त्रीका सल्लाहकारको 'छौंडा'  ? 


नेपालपाना प्रकाशित: २०७६-३-२२ गते
को हुन् प्रधानमन्त्रीका सल्लाहकारको 'छौंडा'  ? 

काठमाडौं । वैश्विक व्यवस्थामा ब्यापक बदलाव, नागरिक चेतना जुर्मुराईरहेको अवस्था, सत्ताधारीले मनमौजी गर्न नपाउने अवस्था, सूचना–प्रविधीको विस्तार, विज्ञानको चमत्कार !

तर नेपालमा भने प्रधानमन्त्रीकै हात समाईरहेका व्यक्तिहरु कसरी अन्धविश्वासी र रुढीवादी शब्द प्रयोग गर्दै आलोचक एवं विरोधीहरुलाई तथानाम गाली गर्छन भन्ने बुझ्न विष्णु रिमालको ट्वीट पढे पुग्छ । 

रिमाल प्रधानमन्त्री केपी शर्मा ओलीका प्रमुख राजनीतिक सल्लाहाकार हुन् । उनले ट्वीटरमा जे लेखेका छन् र जुन शब्द प्रयोग गरेका छन, त्यो पढ्दा दुनियाँको जग हाँस्न सक्छ । 

'तरकारी काण्ड' मा सरकारको हचुवा निर्णय असफल भएपछि एकाथरीले वर्तमान राष्ट्रवादी सत्ता भारतको मुठ्ठीमा कैद भएको भन्दै आलोचना गरेका छन् । यो काण्डमा भारतलाई नमुच्छनेले पनि बिनातयारीको निर्णयका कारण सरकारले नागरिकमाथि फेरि मजाक गरिरहेको भन्दै तीखो आलोचना गरेका छन् । 

यो पनि पढ्नुहोस : तरकारीमा लुटतन्त्र - सिंहदरबारमा निर्णय, सिमानामा भ्रष्टाचार, भान्सामा निस्तो गाँस !

तर प्रधानमन्त्रीका प्रमुख सल्लाहाकार रिमाल चाहिँ ट्वीटरमा अन्धविश्वासी शब्दहरु प्रयोग गर्दै जुहारी खेलिरहेका छन् । उनले ट्वीटरमा लेखेका छन् : ‘भनिन्छ, छौंडाहरू आफैं चलमलाउँदैनन्, कसैले छोड्छन्, दुःख दिन्छन्,  यी छौंडाहरू आफैं चलमलाएका हुन् की कसैले छोडेका ?’  

सरकारले भारतबाट आयात हुने तरकारीको विषादी परीक्षण रोकेकोमा सत्तारुढ दलकै नेताहरुले सरकारको आलोचना गरिरहेका छन् । गुठी विधेयक, व्यापारी पोस्ने चिनीकाण्ड, निर्मला हत्याकाण्डजस्ता कैयौं सवालमा देखाएको अकर्मण्यताका कारण दुई तिहाई बहुमतको सरकार निकै रक्षात्मक अवस्थामा पुगेको छ । 


ज्वाँइ गगन थापालाई भन्दा ससुरालाई पछ्याउने बढि !
ज्वाँइ गगन थापालाई भन्दा ससुरालाई पछ्याउने बढि !

काठमाडौं । नेपाली कांग्रेसका नेताद्धय अर्जुननरसिंह केसी र गगन कुमार थापा नाताले ससुरा र ज्वाँई हुन् ।  केसी र थापा दुवै नेता सामाजिक सञ्जाल फेशबुकमा सक्रिय छन् । थापाल..

‘चीनलाई टुक्राउन प्रयास गर्नेको हड्‍डी धुलो बनाइदिन्छौं’
‘चीनलाई टुक्राउन प्रयास गर्नेको हड्‍डी धुलो बनाइदिन्छौं’

काठमाडौं । चिनियाँ राष्ट्रपति सी चिनफिङले नेपालको दुईदिने भ्रमण सकेर स्वदेश फिर्ता भइसक्दा पनि विभिन्न संचारमा समाचारले प्राथमिकता पाइरहेको छ ।  नेपाली मिडियाले भ्रमणक..

काङ्ग्रेस केन्द्रीय कार्यसमितिको बैठक ७ गते
काङ्ग्रेस केन्द्रीय कार्यसमितिको बैठक ७ गते

काठमाडौं । नेपाली काङ्ग्रेसको केन्द्रीय कार्यसमितिको बैठक यही कात्तिक ७ गते बिहीबार दिउँसो २ बजे बिपी स्मृति भवन ललितपुरमा बस्ने भएको छ । मुलुकको पछिल्लो राजनीति घटनाक्रम र..

मन्त्रिमण्डल फेरबदलबारे हल्लामा कुनै सत्यता छैन्: प्रचण्ड
मन्त्रिमण्डल फेरबदलबारे हल्लामा कुनै सत्यता छैन्: प्रचण्ड

कैलाली । नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्डले मन्त्रिमण्डल पूनर्गठन नहुने स्पष्ट पारेका छन् ।  पछिल्लो समय मन्त्रिमण्डल पूनर्गठन हुनेबारे ह..