माया र ममताकी खानी आमा, चार सन्तानसहित सप्तकोशीमा हाम फालिन्


नेपाल पाना प्रकाशित: २०७६-३-२५ गते
माया र ममताकी खानी आमा, चार सन्तानसहित सप्तकोशीमा हाम फालिन्

राजविराज । माया र ममताकी खानी आमा। आफ्नो सन्तानलाई आमाले हत्या गर्ने कुरा कसैले अनुमान पनि गर्न सक्दैनन्। तर, एक आमाले आफ्ना चार सन्तानलाई सप्तकोशी नदीमा फालेर आफू पनि हाम फालेको खबर मनोहर पोखरेलले अन्नपूर्णमा छापेका छन ।

घरपक्षले माइत र माइती पक्षले घर खेदेपछि ३५ वर्षीया रोशना खातुन चार सन्तानसहित सप्तरीको हनुमाननगर कंकालिनी १ मा पुगेर सप्तकोशी नदीमा हाम फालेको स्थानीय आकाशराज भण्डारीले जानकारी दिए।

भण्डारीका अनुसार अर्की महिलासँगको सम्बन्धका कारण श्रीमानले दिनहुँ कुटपिट गर्न थालेपछि माइतीको शरणमा गएकी खातुनलाई माइतीले पनि जबरजस्ती घर पठाएका थिए।

सामाजिक परम्पराअनुसार १४ वर्ष अघि सिरहाको गोलबजार नगरपालिका ८ गोबिन्दपुरका मो तैयवसँग खातुनको विवाह भएको थियो। खातुन तीन छोरा र एक छोरीका साथ बस्दै आएकी थिइन्।

श्रीमानले यातना दिएपछि चार सन्तानसहित जनकपुरको वीरेन्द्र बजारस्थित माइत गएकी थिइन्। माइतीको शरण पाउने आशामा माइत पुगेकी उनलाई त्यहा पनि गालीगलौज सुरु भएपछि तनावमा थिइन्।

माइती पक्षले छोरीलाई राख्नु नहुने भन्दै घर फर्काएपछि खातुन घर नगई कोशीतर्फ गएको खुलेको छ।जनकपुरबाट घर जानुको साटो उनले कोशी ब्यारेजसम्मको टिकट लिइन्।

कोशी ब्यारेजमा शुक्रबार दिउँसै ओर्लिएकी उनी दिनभरी डुलिन्। आत्महत्याको उपयुक्त स्थान खोजे पनि दिनभरी मानिसको आवत–जावत भइरहेकोले मौका पाइनन्।

साँझ परेपछि भोकले रुन थालेका छोराछोरीका लागि चोकमा पुगेर नास्ता किनेर ल्याइन र खुवाइन्। उत्तरको गोलघरतर्फ मानिसको चहलपहल बढी भएकाले उनी नदीको दक्षिणतर्फ आएर बसिन्।

रातको समयमा उनले पालैपालो छोरा–छोरीलाई नदीमा फालेपछि आफू पनि हाम फालिन्। नदीको पानीले नै किनारा लाएर बचेका साइला छोरा पाँच वर्षीय तहसिलले रुदै प्रहरीले दुःखद् यथार्थ सुनाए।

घटनास्थल लगेर सल र चप्पल देखाउँदै घटना विवरण सुनाएपछि कोशी ब्यारेजका स्थानीय पसले, व्यापारीले प्रहरीलाई उद्दारका लागि आग्रह गरेको स्थानीय भुपदेव मालीले बताए।

रातभर खोजी कार्यमा खटिए पनि पानीको वहाव उच्च रहेकाले प्रहरी र स्थानियवासीले कोही फेला नपारेको अवस्थामा कोशी नदीमा काम गर्ने कन्ट्रक्सनका मजदुरले  महिलाको उद्धार गरे।

नदीले बगाएर तीन किलोमिटर टाढा पुगेकी खातुनलाई झ्याँङ्गमा गएर अड्किएको अवस्थामा मजदुरले उद्धार गरेका हुन्। उनको साथमा रहेको पर्सबाट नगद नौ हजार, कानको सुनको झुम्का र कोशी ब्यारेजसम्म काटिएको बसको टिकट फेला परेको छ।

फेला परेको मोबाइल काम नलाग्ने भएपछि सिम निकालेर अर्को मोबाइलमा राखेर फोन गर्दा उनका श्रीमान सम्पर्कमा आएको इलाका प्रहरी कार्यालय कञ्चनरुपका डीएसपी मकेन्द्रकुमार मिश्रले बताए।

खातुनको भारदहस्थित अस्पतालमा उपचार भएको छ। घटना सम्बन्धमा थप अनुसन्धान भइरहेको डीएसपी मिश्रले बताए। खातुनका १२ र सात वर्षीय छोरा तथा दुई वर्षीया छोरी अहिलेसम्म बेपत्ता छन्।

सप्तकोशी नदीमा पानीको बहाब उच्च रहेकाले बेपत्ता बालबालिकालाई बगाएर लगेको हुन सक्ने अनुमान गरिएको छ। यद्यपि उनीहरुको खोजीमा ठूलो संख्यामा सुरक्षाकर्मी र गोताखोरको टोली परिचालित रहेको छ।


वीर अस्पतालका डाक्टर सापको मासिक खाजा खर्च पाँच लाख !
वीर अस्पतालका डाक्टर सापको मासिक खाजा खर्च पाँच लाख !

काठमाडौं । वीर अस्पतालका निर्देशक डा केदार सेञ्चुरीले एक महिनाम पाँच लाख रुपैयाँबराबरको खाजा खाएको बिल पेस गरेका छन्। २०७६ असारमा अस्पताल प्रशासनले बनाएको बिलमा वीरका निर्द..

जापान रोजगारीको कोटा बढाउदैँ 
जापान रोजगारीको कोटा बढाउदैँ 

काठमाडौं । जापानले पहिलो चरणमा नेपालबाट १ हजार केयरगिभरका लागि श्रमिक माग गर्ने जनाउँदै आवेदन खुला गरे पनि नेपाल सरकारको अनुरोधमा सो संख्यामा केही थप गर्ने भएको छ । श्रम, र..

धमाधम सडक टाल्दै सरकार, किन ? यस्तो छ रहस्य !
धमाधम सडक टाल्दै सरकार, किन ? यस्तो छ रहस्य !

काठमाडौं । सरकारले चिनियाँ राष्ट्रपति सी चिनफिन नेपाल आउने पक्का भएसँगै उपत्यकाको सडक मर्मत थालेको छ। यसअघि पनि सरकारले भारतीय प्रधानमन्त्री नरेन्द्र मोदी, बिमस्टेक सम्मेलन..

अरुणबाट मात्र तीन हजार मेगावाट विद्युत् उत्पादन हुने
अरुणबाट मात्र तीन हजार मेगावाट विद्युत् उत्पादन हुने

काठमाडौं । विद्युत्का लागि उर्वर जिल्ला मानिएको सङ्खुवासभामा अरुण नदीबाट मात्र तीन हजार मेगावाटभन्दा बढी विद्युत् उत्पादन हुने भएको छ । अरुण नदीमा पाँचवटा जलविद्युत् आयोजना..