मलाई रोनाल्डोसँग तुलना नगरियोस्: युवा खेलाडी जोआ 


नेपाल पाना प्रकाशित: २०७६-३-२५ गते
मलाई रोनाल्डोसँग तुलना नगरियोस्: युवा खेलाडी जोआ 

एजेन्सी । पोर्चुगलका युवा खेलाडी जोआ फेलिक्सले पत्रकार सम्मलेनमा रोनाल्डोबारे सोधिएको प्रश्नको उत्तर दिँदै आफूलाई क्रिस्टियानो रोनाल्डोसँग तुलना नगर्न भनेका छन् । हालै मात्र स्पेनिस क्लब एथ्लेटिको मड्रिडमा अनुबन्ध भएका  उनले आफूलाई रोनाल्डोसँग नदाँज्न भनेका हुन् । 

१९ वर्षीय फेलिक्स बेन्फिकाबाट विश्वका पाँचौ महंगा खेलाडी बन्दै अनुबन्ध भएका हुन् । एथ्लेटिकोले बेन्फिकालाई १ सय २६ मिलियन युरो तिर्दै उनलाई क्लबमा अनुबन्ध गरेको हो । दोस्रो स्थानमा रहेर सन् २०१८–१९ को ला लिगाको अन्त्य गरेको एथ्लेटिको र फेलिक्सबीच ७ वर्षका लागि सहमति भएको हो । यस्तै उनी युरोपेली क्लब फुटबलका दोस्रो महंगा युवा फुटबलर बने ।

यसअघिका महंगा युवा स्टार किलियन एम्बाप्पे हुन् । फ्रेन्च क्लब पेरिस सेन्ट जर्मेन ९पीएसजी०का एम्बाप्पे १ सय ८० मिलियन युरोमा क्लबमा अनुबन्ध भएका थिए । यस्तै पोर्चुगलका खेलाडीका आधारमा उनले युभेन्टसका स्टार खेलाडी क्रिस्टियानो रोनाल्डोलाई पनि उछिनेका छन् । यसअघि रियल मड्रिडले रोनाल्डोलाई म्यानचेस्टर युनाइटेडबाट विश्व कीर्तिमानी रकममा क्लबमा अनुबन्ध गरेको थियो ।

उनै फेलिक्सले आफूलाई रोनाल्डोसँग तुलना नगरिदिन आग्रह गरेका छन् । उनले भनेका छन्, ‘म यहाँ आफ्नो कथा लेख्नका लागि आएको हुँ । म जाओ फेलिक्सकै नामबाट रहन चाहान्छु । म जाओ फेलिक्स हुँ र उनी रोनाल्डो हुन् । रोनाल्डो एक महान् खेलाडी हुन् र अहिले विश्वका उत्कृष्ट खेलाडी हुन् । रोनाल्डोले मलाई उनको मन पर्ने शहर मड्रिडका बारेमा धेरै कुरा सुनाएका छन् ।’

‘म एथ्लेटिकोमा इतिहार रच्ने योजनासहित आएको छु, ’ उनले थपे, ‘तर, म एउटा सानो दबाब आएपनि काममा ध्यान दिन सक्दिँन । बेन्फिका छोड्न धेरै गाह्रो थियो । अहिले पनि मलाई मेरो टिममेटलाई भेट्न र पोर्चुगल फर्कन मन छ । यहाँ आएपछि धेरै जनाले शुभकामना दिनु भएको छ । मलाई खुशी लागेको छ ।’

एन्टोइन ग्रिजम्यानले क्लब छोडेपछि फेलिक्सलाई क्लबमा भित्रइएको हो । ग्रजम्यानले एथ्लेटिकोमा लगाएको जर्सी नम्बर ७ नै फेलिक्सले लगाउने छन् । फेलिक्सले गत सिजन उत्कृष्ट प्रदर्शन गर्दै बेन्फिकाका लागि २६ लिग खेलमा १५ गोल गरेका थिए । यस्तै उनले ९ गोलका लागि पास पनि मिलाएका थिए ।


मेक्सिकोमा सुरक्षाकर्मीमाथि हमला हुदाँ १५ जनाको मृत्यु
मेक्सिकोमा सुरक्षाकर्मीमाथि हमला हुदाँ १५ जनाको मृत्यु

एजेन्सी । दक्षिणी मेक्सिकोमा सुरक्षाकर्मीमाथि हमला हुदाँ १५ जनाको मृत्यु भएको छ ।  मङ्गलबार मेक्सिको सेना र अज्ञात हतियारधारीबीच भएको गोली हानाहानमा परी कम्तीमा पनि १५..

कालोसूचीबारेको फैसलाअघि नै एक्लियो पाकिस्तान, कालोसूचीमा पर्ने जोखिम बढ्यो
कालोसूचीबारेको फैसलाअघि नै एक्लियो पाकिस्तान, कालोसूचीमा पर्ने जोखिम बढ्यो

काठमाडौं । आतंकवादमा भईरहेको लगानी अन्त्य गर्न भन्दै फाइनान्सियल एक्सन टास्क फोर्स (एफएटीएफ) ले दिएको निर्देशन कार्यान्वयन गर्न समस्या भोगिरहेको पाकिस्तान फेरि संकटमा फसेको छ..

‘हागिबिस’ आँधीका कारण जापानमा हालसम्म ३५ जनाको मृत्यु
‘हागिबिस’ आँधीका कारण जापानमा हालसम्म ३५ जनाको मृत्यु

टोकियो । जापानको राजधानी टोकियोलगायतका स्थानमा आएको ‘हागिबिस’ नामक तुफानका कारण ज्यान गुमाउनेको सख्या ३५ पुगेको जापानी सञ्चारमाध्यले जनाएको छ । आँधीपछि करिब २० जना..

सिरियामा अमेरिकाको विश्वासघात, आईएस लखेट्ने कुर्दिस लडाकु सिध्याउन टर्कीको प्रयोग
सिरियामा अमेरिकाको विश्वासघात, आईएस लखेट्ने कुर्दिस लडाकु सिध्याउन टर्कीको प्रयोग

काठमाडौं । रुससँगको शीतयुद्धपछि आतंकवाद नियन्त्रणका नाममा विश्वभर युद्ध थोपर्दै आएको अमेरिकाले पछिल्लो पटक सिरियामा असली अनुहार देखाएको छ ।  अमेरिकी अतिक्रमणकै कारण इर..