रोगका रुपमा चिन्ने जन्डिस रोग नभई लक्षण मात्र


नेपाल पाना प्रकाशित: २०७६-४-१५ गते
रोगका रुपमा चिन्ने जन्डिस रोग नभई लक्षण मात्र

काठमाडौं । हामीले रोगका रुपमा चिन्ने जन्डिस खासमा रोग नभई रोगको लक्षण मात्र हो । जन्डिस, पहेलो जोरो अथवा कमलपित्त कलेजो सम्बन्धी रोगको लक्षण हो ।

हाम्रो आँखाको सेतो भाग तथा नङ पहेलो देखिन थालेमा रगतको जाच गरेर हामीले हामीलाई जन्डिस भएको थाहा पाउन सक्छौं । हाम्रो रगतमा बिलिरूबिन नामक तत्वको मात्रा बढी हुदाँ यसरी पहेलो हुने गर्छ । खाना पचाउन सहयोग गर्ने हाम्रो कलेजोमा प्रदूषित खानपान, फोहोर पानी र अत्याधिक रक्सी, चुरोट र सुर्तीजन्य पदार्थले धेरै असर गरेको हुन्छ ।

यी कारणहरुका कारण जन्डिसको संक्रमण बढ्ने सम्भावना देखिन्छ । जन्डिस आफैमा एउटा रोग नभएर, हाम्रो शरीरमा भएको अन्य खतरनाक रोगको कारण हो । जन्डिस एउटा लक्षण हो । हेपाटाइटिस वा प्यानक्रियाजमा क्यान्सर लागेमा जन्डिस देखिन्छ । शरीरको विभिन्न भागमा पहेलो पनको रुपमा जन्डिस देखा पर्दछ । जन्डिसलाई समयमा नियन्त्रण गर्न नसकिएमा हाम्रो स्वास्थ्यमा गम्भीर असर पुग्न सक्छ ।

कलेजो बिग्रिएर कतिपयको मृत्यु समेत हुने गरेको हुन्छ । जन्डिस लागेको संका लाग्ने बितिकै हामीले चिकित्सक कहाँ जानु पर्छ र क कारणले हामीलाई जन्डिस लागेको बुझ्नु पर्छ । जन्डिसको मुख्य उपचार भनेको हामीले हाम्रो दैनिक क्रियाकलाप र खानपानमा ध्यान दिनुका साथै प्रसस्त रुपमा आराम गर्नु पर्छ । जन्डिस लाग्ने थाहा हुने बित्तिकै हामीले हाम्रो खानपानमा एकदम ध्यान दिनु पर्ने हुन्छ । तर, जन्डिसमा कुनै पनि खाना नखाने भन्ने हुँदैन ।

हामीले यस्तो समयमा प्रसस्त पानी पिएर र पानीको मात्रा धेरै भएको मौसमी फलफुलहरु तथा विभिन्न हरियो साग सब्जीहरुमा बेसार नहालिकन सिधेनुन र जिरा मात्र हालेर उसिनेको तरकारी खानु पर्छ । लिभर सिरोसिस लागेर जन्डिस भएको छ भने पेटमा पानी जमेको हुन सक्छ । पेटमा पानी जमेको बेलामा अझै बढी पानी खायो भने बिरामीलाई झनै पीडा हुन्छ।

हामीले यस्तो समयमा सिधेनुन, जिरा, धनिया, अदुवा, लसुन, प्याज, बेसार जस्ता मसलाहरु र चिल्लो तथा पिरो खानेकुरा, ड्राइ फ्रुट्स तथा जंक फुडको कम प्रयोग गर्नु पर्छ । यस्तो समयमा अन्डा, माछा तथा मासुको सेवन नगरेकै ठिक हुन्छ । यसले हाम्रो रोगलाई अझ बल्झाउन सक्छ । अत्याधिक रक्सी, चुरोट र सुर्तीजन्य पदार्थका कारणले नै यो रोग लाग्ने भएका कारणले हामीले यस्ता पदार्थहरुको सेवनलाई त्याग गर्नु नै हाम्रो स्वास्थ्यका लागि उचित हुने गर्छ ।

यदि जन्डिस भएको बेलामा रक्सी तथा सुर्तीजन्य पदार्थको सेवन गरेमा हामीलाई मृत्यु समेत हुन सक्छ । जन्डिस भएको छ भने एक्लै सुत्ने गर्नु पर्छ । जन्डिस हुँदा ज्वरो आएमा सिटामोलको प्रयोग गर्नु हुदैन । ज्वरो वढी आएमा घर छेउका मानिसहरुले दिने चाहिने तथा नचाहिने सल्लाहहरुलाई नसुनीकन हामीले हतार नगरी चिकित्सकको सल्लाह लिनु पर्छ ।


वृद्ध र बिरामीमा कोरोना भाइरस संक्रमणको बढी जोखिम
वृद्ध र बिरामीमा कोरोना भाइरस संक्रमणको बढी जोखिम

बेइजिङ । चीनमा महामारीका रूपमा देखिएको कोरोना भाइरसबारे गरिएको हालसम्मकै सबैभन्दा बृहत् अध्ययनको निष्कर्ष चिनियाँ स्वास्थ्य अधिकारीले सार्वजनिक गरेका छन् । कोरोना भाइरस संक..

कोरोना भाइरसका कारण ज्यान गुमाउनेको सँख्या दुई हजार पुग्यो
कोरोना भाइरसका कारण ज्यान गुमाउनेको सँख्या दुई हजार पुग्यो

काठमाडौं । बुधबार बिहानसम्ममा कोरोना भाइरसका कारण ज्यान गुमाउनेको सँख्या दुई हजार पुगेको छ ।  चिनियाँ सञ्चार माध्यमहरूले जनाए अनुसार ६ जना बाहेक सबैको मृत्यु चीनमै भएक..

चीनमा कसरी फैलियो कोरोना भाइरस ? यस्तो रहेछ कारण
चीनमा कसरी फैलियो कोरोना भाइरस ? यस्तो रहेछ कारण

सन् २००२ मा नयाँ जीवाणुको प्रकोप देखा पर्दा चीनले जङ्गली समेतका जीवित वा मृत जनावरहरू बजारमा खुलेआम बेचबिखन गर्न रोक लगायो । यही जीवाणुका कारण प्राणघातक सार्स फैलिएको त्यसबखत..

कोरोना भाइरसको कहरः ज्यान गुमाउनेको संख्या १८ सय पुग्याे
कोरोना भाइरसको कहरः ज्यान गुमाउनेको संख्या १८ सय पुग्याे

 काठमाडौं ।   कोरोना भाइरसको कारण चिन लगायत अन्य देशमा ज्यान गुमाउनेको संख्या १७ सय ६९ पुगेको छ । पछिल्लो २४ घण्टामा  चीनमा १७ सय ६५ र चीन बाहिरका ..