भिडभाड हुने ठाउँमा नक्कली नोटको कारोबार बढ्यो


नेपाल पाना प्रकाशित: २०७६-४-१८ गते
भिडभाड हुने ठाउँमा नक्कली नोटको कारोबार बढ्यो

धनगढी । पछिल्लो दुई महिनामा धनगढीमा तीन पटक नक्कली नोट फेला परेपछि धनगढीको नक्कली नोटको चूनौति थपिएको छ । नक्कली नोट कारोबारीहरुले भिडभाड हुने ठाउँमा नक्कली नोट प्रयोग गर्ने गरेका छन् ।

धनगढीस्थित सेती अस्पतालमा दुई पटक र पिपल चौताराको तरकारी पसलमा नक्कली नोट फेला परेको थियो । पछिल्लो पटक सेती अस्पतालमा नक्कली नोट सटही गर्ने एक जनालाई जिल्ला प्रहरी कार्यालय कैलालीले पक्राउ गरेको छ ।

कैलारी गाउँपालिका-५ का ३४ वर्षीय छेदुराम डगौरा चौधरीलाई प्रहरीले ? एक हजार दरका २१ वटा नक्कली नोटसहित पक्राउ गरेको जिल्ला प्रहरी कार्यालयका प्रहरी नायव उपरीक्षक दक्षकुमार बस्नेतले बताए । एक हजारका १७ वटा नक्कली नोट दिएर पाँच सय दरका नोट सटही गर्न लागेको सूचनाको आधारमा प्रहरीले उनलाई पक्राउ गरेको हो ।

धनगढीस्थित सेती अस्पतालको फार्मेसीमा उनले नोट सटही गर्न लागेको प्रहरीलाई सूचना पुगेपछि प्रहरीले उनको खोजी गरेको थियो । हुलियाको आधारमा चौधरीलाई प्रहरीले उप-महानगरपालिका-१, मा रहेको उनको डेराबाट पक्राउ गरेको थियो ।

अदालतबाट म्यादथप गरी थप अनुसन्धान भइरहेको जिल्ला प्रहरी कार्यालय कैलालीले जनाएको छ । केही दिन अगाडि पनि सेती अस्पताल र धनगढीको पिपल चौतारास्थित तरकारी पसलमा नक्कली नोट फेला परेको थियो । एकपछि अर्को गर्दै धनगढीमा नक्कली नोट फेला पर्न थालेपछि वित्तीय कारोबार हुने संस्था, पसल, अस्पतालमा चुनौती थपिनुका साथै प्रहरीलाई समेत चूनौति थपिएको छ ।


जापानमा भयानक रेल दुर्घटना ट-यो, सबै यात्रु सुरक्षित
जापानमा भयानक रेल दुर्घटना ट-यो, सबै यात्रु सुरक्षित

टोकियो । जापानमा प्रतिघण्टा २८० किलोमिटरको गतिमा गुडिरहेको एउटा रेलको ढोका अचानक खुलेपनि भयानक दुर्घटना टरेको छ ।  बुधबार भएको सो घटनामा ढोका खुलेपछि पनि रेल ४ किलोमिट..

नेपाल भ्रमणमा रहेका भारतीय विदेशमन्त्री जयशंकर स्वदेश फिर्ता
नेपाल भ्रमणमा रहेका भारतीय विदेशमन्त्री जयशंकर स्वदेश फिर्ता

काठमाडौं । नेपाल भ्रमणमा रहेका भारतीय विदेशमन्त्री जयशंकर स्वदेश फिर्ता भएको छ । नेपाल–भारत संयुक्त आयोगको बैठकमा भाग लिन बुधबार नेपाल आएका विदेशमन्त्री जयशंकर आज स्व..

भोलि हिन्दू धर्मावलम्बीको महान् पर्व कृष्ण जन्माष्टमी, प्रदेश २ मा सार्वजनिक बिदा
भोलि हिन्दू धर्मावलम्बीको महान् पर्व कृष्ण जन्माष्टमी, प्रदेश २ मा सार्वजनिक बिदा

काठमाडौं । हिन्दू धर्मावलम्बीको महान् पर्व श्रीकृष्ण जन्माष्टमीको अवसरमा शुक्रवार सार्वजनिक बिदा दिइएको छ ।  प्रदेश २ सरकारले जन्माष्टमीको अवसरमा सार्वजनिक बिदा दिने न..

भरुवा बन्दुकसहित बल बहादुर पक्राउ
भरुवा बन्दुकसहित बल बहादुर पक्राउ

वर्दिया । भरुवा बन्दुकसहति बारबर्दिया नगरपालिका-५ बस्ने बल बहादुर थारु पक्राउ परेको छ । ईलाका प्रहरी कार्यालय जयनगरबाट प्रहरीले थारुको घर तलासी गर्ने क्रममा उक्त बन्दुक तथा..