बाढी तथा पहिरोका कारण दक्षिण भारतमा १०० जनाको मृत्यु, लाखौं विस्थापित


नेपालपाना प्रकाशित: २०७६-४-२६ गते
बाढी तथा पहिरोका कारण दक्षिण भारतमा १०० जनाको मृत्यु, लाखौं विस्थापित

काठमाडौं । मनसुनी वर्षापछि आएको बाढी, पहिरो र डुबान परि दक्षिण भारतमा १०० भन्दा बढी मानिसको ज्यान गएको छ । तीन दिनको अवधिमै केरला, महाराष्ट्र, गुजरात र कर्नाटकमा ठूलो जनधनको क्षति भएको हो । विपत्तीका कारण अहिले ती राज्यमा झनडै एकलाख मानिस विस्थापित भएका छन् । 

दक्षिणी राज्य केरला बाढीका कारण नराम्ररी प्रभावित भएको छ । या राज्यमा बिहीबारदेखि शनिबारसम्ममा मात्रै ४८ व्यक्तिले ज्यान गुमाएका छन् । वर्षा र बाढीको चपेटामा परेको केरलाको छिमेकी कर्नाटकमा पनि करिब २४ जनाले ज्यान गुमाईसकेका छन् । यो राज्यमा नौ जना मानिसहरु हराईरहेको सरकारी अधिकारीहरुले जानकारी दिएका छन् ।

यस्तै, वार्षिक मनसुनी आँधीका कारण पश्चिमी राज्य महाराष्ट्र र गुजरात पनि निकै प्रभावित भएका छन् । कर्नाटकका ६०० राहत केन्द्रमा करिब एक लाख ६१ हजार विस्थापित मानिसहरुलाई आश्रय दिईएको छ । 

अर्को दक्षिणी राज्य महाराष्ट्रमा अहिलेसम्म २७ जनाले पछिल्लो प्राकृतिक विपत्तीमा परि ज्यान गुमाईसकेका छन् ।  गुजरातका अहमेदावाद र नादिआवादमा पनि वर्षाजन्य घटनाका कारण आठ जनाको मृत्यु भएको भारतीय सञ्चारमाध्यहरुले जनाएका छन् । 

बाढी, पहिरो र आँधीका कारण सबैभन्दा बढी प्रभावित केरला राज्यमा मात्रै एक लाख २० हजार व्यक्ति बिस्थापित भएका छन् । मानिसहरुले आपतकालीन राहत केन्द्रमा आश्रय लिइरहे पनि बाढी र पहिरो गएका करिब ८० स्थानमा अहिलेसम्म प्रहरी पुग्न सकेको छैन ।

केरलामा गत बर्षपनि बाढीमा परि करिब पाँचसय मानिसको ज्यान गएको थियो ।


अफगान सेनाले गरेको हवाई कारबाहीमा परी पन्ध्र विद्रोही मारिए
अफगान सेनाले गरेको हवाई कारबाहीमा परी पन्ध्र विद्रोही मारिए

अफगानिस्तान । कान्दाहार र हेलमण्डमा बिहीबार तालिबानी लडाकू लुकेर बसेका इलाकालक्षित अफगान सेनाले गरेको हवाई कारबाहीमा परी कम्तीमा १५ लडाकू मारिएका छन् । बिहीबार अपराह्न कान्..

गोलीकाण्डः अमेरिकाको फ्लोरिडामा चार जनाको मृत्यु
गोलीकाण्डः अमेरिकाको फ्लोरिडामा चार जनाको मृत्यु

काठमाडौं । अमेरिकाको फ्लोरिडामा भएको गोलीकाण्डमा परी दुई जना सर्वसाधारण नागरिक र अरु दुई जना संदिग्ध व्यक्तिको ज्यान गएको छ । समाचारमा जनाइएअनुसार बिहीबार सो गोलीकाण्ड भएको..

सुडानको सेरामिक कारखानामा सिलिन्डर विस्फोट हुँदा २३ जनाको मृत्यु
सुडानको सेरामिक कारखानामा सिलिन्डर विस्फोट हुँदा २३ जनाको मृत्यु

सुडान । खार्तुमको एक सेरामिक कारखानामा सिलिन्डर विस्फोट हुँदा २३ जनाको मृत्यु भएको छ भने १ सय ३० जना घाइते भएका छन् ।   कारखानामा काम गर्ने श्रमिकमध्ये अधिकांश भारतीय..

सेनाको चौकीमा आक्रमण, २३ जना मारिए
सेनाको चौकीमा आक्रमण, २३ जना मारिए

काठमाडौं । अफ्रिकी मुलुक बुर्किना फासोमा सेनाको चौकीमा गरिएको दुई वटा आक्रमणका क्रममा करिब २० आतङ्कवादी र तीन सैनिक मारिएको सेनाले जनाएको छ । स्थानीय समयानुसार मङ्गलबार बिह..