हङकङमा चीनविरोधी प्रदर्शन हिंसात्मक बन्दै, बेइजिङले 'रेडआर्मी' पठायो, विमानस्थल ठप्प


नेपालपाना प्रकाशित: २०७६-४-२९ गते
हङकङमा चीनविरोधी प्रदर्शन हिंसात्मक बन्दै, बेइजिङले 'रेडआर्मी' पठायो, विमानस्थल ठप्प

काठमाडौं । प्रत्यर्पण सन्धीको विरोध गर्दै हङकङमा भईरहेको प्रदर्शनले उग्र रुप लिएको छ ।

हजारौंको संख्यामा रहेका प्रदर्शनकारीहरुले पछिल्लोपटक विमानस्थल नै घेराबन्दी गरेका छन् । जसका कारण पछिल्लो दुई दिनदेखि हङकङको नागरिक उड्ययन क्षेत्रमा चर्को असर परेको छ । 

यो प्रदर्शनका कारण चीन सरकार समेत समस्यामा परेको छ । बेइजिङले हङकङ सरकारलाई प्रदर्शनकारीहरुमाथि शख्त कारबाही गर्न निर्देशन दिएको छ । 

संसारकै सबैभन्दा ठूलोमध्येको एक शहर हङकङमा लोकतन्त्र समर्थकहरुले गरेको प्रदर्शनले यतिखेर विश्वकै ध्यान तानेको छ । प्रदर्शनलाई नियन्त्रणमा लिन चीनले मुख्य शहर र सिमामा सेनाको बख्तरबन्द गाडी तैनाथ गरेको छ भने हजारौंको संख्यामा सेना परिचालन गरेको छ । 

हङकङमा प्रदर्शन चर्किएपछि अमेरिकालगायत कैयौं देशले ट्राभल एड्भाइजरी जारी गरेका छन् । अमेरिकी राष्ट्रपति डोनाल्ड ट्रम्पले चीनमाथि हङकङको सिमा क्षेत्रमा सेनाको तैनाथी गरेको दाबी गरेका छन् ।

प्रदर्शनकारीहरुले संसारकै व्यस्त विमानस्थलमा यात्रुहरुलाई प्रवेश गर्न दिएका छैनन । हङकङ विमानस्थलबाट दैनिक २ लाख यात्रीहरु आवागमन गर्ने गर्छन् । प्रदर्शनका कारण अहिलेसम्म ३०० भन्दा बढी उडान रद्द भईसकेको छ । 

चीनले यो प्रदर्शनलाई गुण्डाराजको संज्ञा दिँदै आतंकवाद उन्मुख भएको जनाएको छ । साथै, हङकङको सरकारलाई तुरुन्त यो प्रदर्शन अन्त्य गर्न निर्देशन दिएको छ । शैन्यबल प्रयोग गर्ने चेतावनी दिँदै बेइजिङले हङकङको बाहिरी क्षेत्रमा बख्तरबन्द गाडी समेत तैनाथ गरिदिएको छ । 

किन भईरहेको छ प्रदर्शन ?

हङकङमा पछिल्लो १० हप्तादेखि लोकतन्त्र समर्थकहरुले आन्दोलन गरिरहेका छन् । चीनको दक्षिणी भागमा पर्ने हङकङमा ल्याईएको प्रत्यर्पण विधेयकको विरोध गर्दै यो प्रदर्शन शुरु भएको थियो ।

यो विधेयकमा चीनमा अपराध गरी हङकङ आएको मानिसलाई सोधपुछका लागि चीन नै फिर्ता लैजाने व्यवस्था गरिएको छ । बेलायतले सन् १९९७ मा हङकङको क्षेत्र चीनलाई दिएको थियो । 


पाकिस्तानका रेलमन्त्री बेलायतमा कुटिए
पाकिस्तानका रेलमन्त्री बेलायतमा कुटिए

काठमाडौं । विवादित भाषण र बयानबाजीका कारणका चर्चामा आईरहने पाकिस्तानका रेलमन्त्री शेख रशीद बेलायतको लण्डनमा कुटिएका छन् । रशीस तिनै व्यक्ति हुन् : जसले जम्मु–क..

सेनाले गरेको हवाई कारबाहीमा २० तालिबानको मृत्यु
सेनाले गरेको हवाई कारबाहीमा २० तालिबानको मृत्यु

अफगानिस्तान । उत्तरी प्रान्त बाल्खमा अफगानिस्तानको हवाई सैन्य सेनाले गरेको कारबाहीमा परी २० जना तालिबानको ज्यान गएको छ । त्यस क्षेत्रमा तालिबानको बस्ती रहेको सूचनाका आधारमा..

यस्तो अचम्मको गाउँ जहाँ केवल छोरीमात्रै जन्मिने गर्छ !
यस्तो अचम्मको गाउँ जहाँ केवल छोरीमात्रै जन्मिने गर्छ !

एजेन्सी । त्यहीँ भएर युरोपको एउटा गाउँमा सधैं छोरी मात्रै जन्मिने गरेका छन् । उक्त गाउँमा पछिल्लो ९ वर्षयता छोराको जन्म भएको छैन ।  सुन्दैमा अनौठो र अपत्यारिलो लाग्ने । क..

भारतका पूर्व केन्द्रीय वित्त मन्त्री पक्राउ 
भारतका पूर्व केन्द्रीय वित्त मन्त्री पक्राउ 

भारत । सम्पत्ति शुद्धीकरणको विषयमा अनुसन्धानमा रहेका पूर्व केन्द्रीय वित्त मन्त्री पी चिदम्बरम पक्राउ परेका छन् ।  कांग्रेस नेतासमेत रहेका चिदम्बरमले आफूले अग्रिम धरौट..