मुम्बई हमलाका 'मास्टरमाइन्ड' हाफिज सईदविरुद्ध पाकिस्तानी अदालतको आदेश


नेपालपाना प्रकाशित: २०७६-५-११ गते
मुम्बई हमलाका 'मास्टरमाइन्ड' हाफिज सईदविरुद्ध पाकिस्तानी अदालतको आदेश

काठमाडौं । सन् २००८ मा गराईएको मुम्बई हमलाका गुरुयोजनाकार (मास्टरमाइन्ड) भनिने आतंकवादी हाफिज सईदविरुद्ध पाकिस्तानी अदालतले आदेश दिएको छ । 

लाहोर हाईकोर्टले प्रतिबन्धित संगठन जमात–ए–इस्लामी तथा फलाह–ए–इसानियतका प्रमुख सईदको विरुद्ध पेश गरिएको याचिकामाथि सुनुवाई गर्न मञ्जुरी दिएको हो । हाफिज सन् २००८ नोभेम्बर २६ का दिन आतंकवादीहरुले गरेको मुम्बई हमलाका मुख्य दोषी मानिएका छन् । सो हमलामा परी १७४ जनाको ज्यान गएको थियो भने ३०० भन्दा बढी मानिसहरु घाईते भएका थिए । 

उनै हाफिजविरुद्ध पाकिस्तानी अदालतले लाहोरस्थित आतंकवाद नियन्त्रण प्रहरी कार्यालयलाई सबै प्रमाणहरु पेश गर्न आदेश दिएको हो । हाफिजका वकिल एके डोगरले उनका विरुद्ध लगाईएका मुद्दा हटाउनका लागि एक याचिका दायर समेत गरेका थिए, सो विरुद्ध अदालतले मंगलबार आदेश दिएको हो । सो याचिकामा वकिलले हाफिजविरुद्ध राजनीतिक र अन्तरराष्ट्रिय दबाबमा मुद्दा दर्ता गरिएको उल्लेख छ । 

चरमपन्थी या राज्यका विरुद्ध गतिविधी गर्ने संस्थामा हाफिजको कुनै संलग्नता नरहेको जनाउँदै उनका वकिलले मुम्बई हमलामा हाफिजको संलग्नताबारे भारतले गरिरहेको दाबी तथ्यपूर्ण नरहेको पनि याचिकामा उल्लेख गरेका छन् । 

आतंकवाद प्रतिरोधी विभागका अनुसार हाफिज सईदविरुद्ध २३ वटा मुद्दा दर्ता गरिएको छ । यीमध्ये धेरैजसो मुद्दा प्रतिबन्धित एवं गैर–लाभकारी संस्थाहरुका लागि रकम जुटाउनमा केन्द्रित रहेको देखिएको छ । साथै हाफिजका अन्य सहयोगीको विरुद्ध पनि ५६ वटा मुद्दा दर्ता गरिएको छ ।

हाफिज नेतृत्वको 'फलाह–ए–इन्सानियत'माथि पाकिस्तान सरकारले प्रतिबन्ध लगाएको छ र उसका सबै 'कल्याणकारी' भनिने कार्यक्रमहरु पनि आफ्नो नियन्त्रणमा लिएको छ । 

लाहोरबाट गुजरांवाला जाँदै गर्दा हाफिजलाई गत महिना पाकिस्तान सरकारले गिरफ्तार गरेको थियो । मुम्बई हमलाका गुरुयोजनाकार हाफिज अहिले लाहोरको एक जेलमा छन् ।







बोलिभियाकी विपक्षी सांसद जेनीले स्वयंलाई गरिन् राष्ट्रपति घोषणा
बोलिभियाकी विपक्षी सांसद जेनीले स्वयंलाई गरिन् राष्ट्रपति घोषणा

काठमाडौं । बोलिभियाकी विपक्षी सांसद जेनी एनेजले आफूलाई अन्तरिम राष्ट्रपति घोषित गरेकी छिन् । दक्षिण अमेरिकी देश बोलिभियामा राजनीतिक तनाव चुलिँदै जाँदा राष्ट्रपति इभो मोरा..

बङ्लादेशमा रेल दुर्घटना, १६ जनाको मृत्यु 
बङ्लादेशमा रेल दुर्घटना, १६ जनाको मृत्यु 

ढाका । दुई ओटा रेल आपसमा जुध्दा बंगलादेशमा १६ जनाको मृत्यु भएको छ, ५० जनाभन्दा बढी घाइते भएका छन्। देशको पूर्वीक्षेत्रमा मङ्गलबार भएको यो दुुर्घटनामा ठूलो मानवीय हताहती भएक..

अयोध्या नगर विकास गर्न थाल्याे जोडजाड तयारी, यस्तो छ विकास गर्ने लक्ष्यहरू:
अयोध्या नगर विकास गर्न थाल्याे जोडजाड तयारी, यस्तो छ विकास गर्ने लक्ष्यहरू:

काठमाडौं ।  अयोध्यालाई विकास गर्न जोडजाड तयारी थालेको छ । भारतको सर्वोच्च अदालते रामको जन्मभूमि अयोध्याको विवादित जग्गासम्बन्धी मुद्दामा हिन्दुहरूको पक्षमा फैसला सुनाए..

बुलबुल आँधीले जनजीवन प्रभावित, ३ लाख मानिसलाई सुरक्षित स्थानतर्फ सार्याे
बुलबुल आँधीले जनजीवन प्रभावित, ३ लाख मानिसलाई सुरक्षित स्थानतर्फ सार्याे

बङ्गलादेश । बुलबुल आँधीका कारण आइतबार चारको मृत्यु भएको बङ्गलादेशका अधिकारीहरूले बताएका छन्। करिब सय किलोमिटर प्रतिघण्टाको गतिमा शनिबार साढे ८ बजे पश्चिम बंगालबाट बङ्गलादेश..