कश्मीरमा भारतलाई नेपालको साथ, परराष्ट्रमन्त्री ज्ञवालीले भने–"धारा ३७० भारतको आन्तरिक मामिला हो !"


नेपालपाना प्रकाशित: २०७६-५-१८ गते
कश्मीरमा भारतलाई नेपालको साथ, परराष्ट्रमन्त्री ज्ञवालीले भने–"धारा ३७० भारतको आन्तरिक मामिला हो !"

काठमाडौं । नेपालले जम्मु–कश्मीरको विशेषाधिकार खारेज गर्ने निर्णय भारतको आन्तरिक विषय भएको जनाएको छ ।

लामो समयसम्म कश्मीर विवादमा मौनता साँधेको नेपालले अन्ततः भारतकै अपेक्षाअनुसार भारतीय संविधानको धारा खारेज गर्ने कदम उसैको आन्तरिक मामिला भएको प्रतिक्रिया दिएको हो । 

माल्दिभ्सको राजधानी मालेमा जारी इन्डियन ओसन कन्फ्रनेन्स (हिन्द महासागर सम्मेलन) मा भाग लिन पुगेका परराष्ट्रमन्त्री प्रदीप ज्ञवालीले संविधानका व्यवस्था फेरबदल गर्नु भारतको आन्तरिक मामिला भएको र यो गर्ने अधिकार भारतलाई रहेको बताएका हुन् । 

भारतीय सञ्चारमाध्यम एएनआईसँग कुरा गर्दै मन्त्री ज्ञवालीले कश्मीरमा रहेका नेपालीहरुबारे चिन्तित रहेको र उनीहरु सकुशल रहेकोमा खुशी व्यक्त गरेका छन् । 

दक्षिण एसियाली क्षेत्रीय सहयोग संगठन (सार्क) को अध्यक्षता समेत गरिरहेको नेपालले विवादहरुलाई सदस्य मुलुकहरुका बीच छलफल गरेर सल्ट्याउन समेत आग्रह गरेको छ ।

तनावलाई बढोत्तरी दिनु समाधानतर्फको कदम नभएको जनाउँदै परराष्ट्रमन्त्री ज्ञवालीले भने–" द्वन्द सबैभन्दा खराब विकल्प हो र हरेक मुलुकले यसलाई निषेध गर्नुपर्छ ।"

कश्मीर मामिलामा आशाका केही किरण देखिएको तथा तनाव घटाएर छलफल र वार्तालापमार्फत समस्याको समाधान गर्नतर्फ उन्मुख हुन परराष्ट्रमन्त्री ज्ञवालीले आग्रह गरे । 

कश्मीरलाई विशेषाधिकार दिने धारा खारेज गरेपछि पाकिस्तानले आपत्ति जनाउँदै भारतविरुद्ध आक्रोश पोखिरहेको छ । इस्लामावादले कश्मीरमा अन्तर्राष्ट्रिय हस्तक्षेपको माग गरिरहँदा भारतले यो आफ्नै आन्तरिक मामिला भन्दै पाकिस्तानविरुद्ध चर्को प्रतिवाद गरिरहेको छ ।


नेकपा सांसद गुरुङबिरुद्ध पक्राउ पुर्जी जारी 
नेकपा सांसद गुरुङबिरुद्ध पक्राउ पुर्जी जारी 

काठमाडौं । दोलखाबाट निर्वाचित सांसद तथा नेकपा केन्द्रीय सदस्य पार्वत गुरुङ बिरुद्ध पक्राउ पूर्जी जारी भएको छ । ज्यान मार्ने उद्योग मुद्दामा काठमाडौँ जिल्ला अदालतको आदेशमा ज..

मृगौला तस्करीको आरोपमा अस्पतालका सिइओसहित पाँच पक्राउ
मृगौला तस्करीको आरोपमा अस्पतालका सिइओसहित पाँच पक्राउ

काठमाडौं । मिर्गौली तस्करी आरोपमा ललितपुरस्थित निदान अस्पतालका सिइओ सहित ५ जनालाई पक्राउ परेका छन् । ललितपुरको पुल्चोकस्थित उक्त अस्पतालले एक व्यक्तिको मिर्गौला झिकेर अर्कैकोम..

नुवाकोटमा बसले किच्दा ६ वर्षीय युनिकको मृत्यु
नुवाकोटमा बसले किच्दा ६ वर्षीय युनिकको मृत्यु

नुवाकोट । नुवाकोटको बट्टार बजारमा बसले किच्दा एक बालकको मृत्यु भएको छ । तारकेश्वर गाउँपालिका–६ गोस्र्याङ घर भएका प्रताप तामाङका ६ वर्षीय छोरा युनिक तामाङको आज दिउँसो..

लागुऔषध ब्राउन सुगरसहित ४ जना पक्राउ
लागुऔषध ब्राउन सुगरसहित ४ जना पक्राउ

झापा । झापाको मेचीनगरबाट लागु औषध ब्राउन सुगरसहित चार जना पक्राउ परेका छन् । मेचीनगर नगरपालिका–६ बाट मंगलबार दिउँसो ५ बजे पक्राउ परेका हुन् । लागु औषध नियन्त्रण ब्यूर..