१८ बर्षअघि आतंकवादसँग यसरी काँपेको थियो अमेरिका, क्षणभरमै तीनहजार मानिस मारिएको त्यो क्षण !


नेपालपाना प्रकाशित: २०७६-५-२५ गते
१८ बर्षअघि आतंकवादसँग यसरी काँपेको थियो अमेरिका, क्षणभरमै तीनहजार मानिस मारिएको त्यो क्षण !

काठमाडौं । सन् २००१ को सेप्टेम्बर ११ का दिन अमेरिकामा आतंकवादी हमला भएको आज ठीक १८ बर्ष पुगेको छ । 

त्यो बर्षको आजकै दिन संसारकै सबैभन्दा शक्तिशाली मुलुक अमेरिकालाई अन्तर्राष्ट्रिय आतंकवादी संगठन अलकायदाले थर्थरी कँपाइदिएको थियो । अमेरिकाको न्युयोर्कस्थित ट्वीन टावर्समा आतंकवादीहरुले विस्फोटक भरिएका दुईवटा विमान ठोक्काएका थिए । सो हमलामा तीनहजार मानिसहरुको मृत्यु भएको थियो । उक्त आतंकवादी हमलापछि विश्व नै आतंकवादसँग त्रस्त बनेको थियो । 

सो आतंकवादी हमला देखे÷भोगेका मानिसहरुले हालसम्म पनि त्यो दिनलाई बिर्सन सकिरहेका छैनन् । हवाइजहाजलाई मिसाईलको रुपमा प्रयोग गरी आतंकवादीहरुले हजारौं मानिसको ज्यान लिएका थिए । 

अन्तराष्ट्रिय आतंकवादी संगठनका नाईके ओसामा विन लादेन, जसलाई सन् २०११ को मे २ तारिखमा अमेरिकी नेभीले पाकिस्तानभित्रै छिरेर मारिदिएको थियो । 

सेप्टेम्बर ११ मा अलकायदाले आत्मघाती आतंकवादी हमला गराएको थियो, जसमा उसकै १९ जना आतंकवादी समेत मारिएका थिए । सो हमला गराउन अलकायदाले चार वटा यात्रुवाहक विमान अपहरण गरेको थियो । 

विमान अपहरणकर्ताहरुले जानाजान दुईवटा विमानलाई वल्र्ड ट्रेड सेन्टरमा ठोक्काएर विस्फोट गराएका थिए । यो हमलामा प्रयोग भएका विमानभित्र रहेका सबै यात्रु तथा वल्र्ड ट्रेड सेन्टरभित्र काम गर्ने कैयौं मानिसहरु मारिएका थिए । दुई विशाल भवनहरु दुई घण्टाभित्रै खरानी भएका थिए ।

ती टावरहरुसँगै रहेका अन्य कैयौं भवनहरु समेत ध्वस्त भएका थिए । अपहरणकारीहरुले कब्जामा लिएको अन्य विमानलाई वासिङ्गटन डीसीको आर्लिङ्गटन र भर्जिनियाको पेन्टागनमा विस्फोट गराएका थिए । 

यो हमलामा ९० देशका नागरिकको ज्यान गएको थियो । न्युयोर्क राज्य स्वास्थ्य विभागका अनुसार सन् २००९ सम्म पनि सो हमलामा परेका मानिसहरुको मृत्यु भईरहेको थियो । यो हमलामा लागेको आगो अमेरिकाले १०० दिनमा बल्ल निभाउन सकेको थियो । आगो निभाउन लागेको समय अन्दाज गर्दा नै यो हमला कति भयानक थियो भनी आंकलन गर्न सकिन्छ । 

जुन टावरहरुलाई आतंकवादीहरुले निशाना बनाएका थिए, ती टावरहरु सन् १९७३ अप्रिल ४ तारिखमा निर्माण सम्पन्न गरिएका थिए । यी भवन बनाउन ४०० मिलियन डलर खर्च भएको थियो । ट्वीन टावरमा लगभग ५० हजार कर्मचारीले काम गर्ने गर्थे । यी भवन यति विशाल थिए कि यहाँ २३९ वटा त लिफ्टमात्रै थिए ।

स्थानीय समयअनुसार ११ सेप्टेम्वरको ९ बजेतिर अलकायदाका आतंकवादीहरुले लस एञ्जल्सतर्फ उडिरहेको विमानलाई पेन्टागनको भवनमा ठोक्काइदिएको थियो । अमेरिकी अधिकारीहरुका अनुसार पेन्टागनको सो भवनभन्दा पहिले नै दोस्रो भवन गिरेको थियो, जसमा परी १८४ जनाको ज्यान गएको थियो । 

सो दिन अमेरिकाको तीनवटा विमानलाई आतंकवादीहरुले 'हाइज्याक' गरेका थिए । अपहरणकारीहरुले एउटा विमानलाई पेन्टागनको भवन र अर्कोलाई वल्र्ड ट्रेड सेन्टरको भवनमा ठोक्काईदिएका थिए । अपहृत तेस्रो विमानचाहिँ एक खाली जमिनमा दुर्घटनाग्रस्त भएको थियो । 

सो आतंकवादी हमलापश्चात अमेरिकी खुफिया एजेन्सी एफबीआईले ११ सेप्टेम्वरमा पेन्टागनमा भएको हमलाका केही गोप्य तस्वीर सार्वजनिक गरेको थियो । ती तस्बीरहरुले आतंकवादी आक्रमणको भयानकता दर्शाउँछन् ।


नेपाल र चीनबीचकाे पछिल्लो सम्झौता : कुटनीतिक स्तर 'भीख दिने र लिने' तहमै पुगेको हो ? 
नेपाल र चीनबीचकाे पछिल्लो सम्झौता : कुटनीतिक स्तर 'भीख दिने र लिने' तहमै पुगेको हो ? 

समझदारीपत्रमा हस्ताक्षर गर्दै नेपाल र चीनका अधिकारीहरु ।  काठमाडौं । आर्थिक र भौतिक विकासमा उत्तरी छिमेकीको बलियो ब्याकअप खोजिरहेको नेपाल र चीनबीच सोमबार भएको तीन सम्झ..

कश्मीरमा भारतलाई नेपालको साथ, परराष्ट्रमन्त्री ज्ञवालीले भने–"धारा ३७० भारतको आन्तरिक मामिला हो !"
कश्मीरमा भारतलाई नेपालको साथ, परराष्ट्रमन्त्री ज्ञवालीले भने–"धारा ३७० भारतको आन्तरिक मामिला हो !"

काठमाडौं । नेपालले जम्मु–कश्मीरको विशेषाधिकार खारेज गर्ने निर्णय भारतको आन्तरिक विषय भएको जनाएको छ । लामो समयसम्म कश्मीर विवादमा मौनता साँधेको नेपालले अन्ततः भारतकै अ..

ओलीको निर्णयलाई उपेन्द्रको काउन्टर, दिनप्रतिदिन घेराबन्दीमा पर्दै सरकार
ओलीको निर्णयलाई उपेन्द्रको काउन्टर, दिनप्रतिदिन घेराबन्दीमा पर्दै सरकार

काठमाडौं । समाजवादी पार्टी नेपालका अध्यक्ष उपेन्द्र यादव अहिले सरकारमा सहभागी छन्। उनी उपप्रधानसहित स्वास्थ्यमन्त्री पदमा बहाल छन्। यसर्थमा उनले केपी शर्मा ओली नेतृत्वको सरकार..

तरकारीमा लुटतन्त्र - सिंहदरबारमा निर्णय, सिमानामा भ्रष्टाचार, भान्सामा निस्तो गाँस !
तरकारीमा लुटतन्त्र - सिंहदरबारमा निर्णय, सिमानामा भ्रष्टाचार, भान्सामा निस्तो गाँस !

काठमाडौं । व्यापारीहरुले मौसमी तरकारीहरु समेत किन्नै नसकिनेगरी मूल्य बढाउँदा मौन बसेको सरकारले गत असार २ गते यस्तो निर्णय ग-यो : जसले स्वदेशी कृषकहरुलाई होईन, उल्टै तस्कर..