बर्षा नरोकिएसम्म हिमाल आरोहण नगराउन पर्यटन विभागको आग्रह 


नेपालपाना प्रकाशित: २०७६-६-१ गते
बर्षा नरोकिएसम्म हिमाल आरोहण नगराउन पर्यटन विभागको आग्रह 

काठमाडौं । मौसम प्रतिकुल भएकाले बर्षा रोकिएपछि मात्रै आरोहीहरुलाई हिमाल आरोहण गराउन पर्यटन विभागले आग्रह गरेको छ । 

मौसम पूर्वानुमान महाशाखाले निरन्तर परिरहेको झरी अझै केहि दिन नरोकिने प्रक्षेपण गरेपछि विभागले पर्वतारोहण एजेन्सीहरुलाई आरोहण नगराउन र आरोहीहरुको सुरक्षामा ध्यान दिन आग्रह गरेको हो । 

‘केही दिन मौसम प्रतिकूल रहने पूर्वानुमान रहेको हुँदा पर्वतारोहण कार्य व्यवस्थापन गर्ने एजेन्सीहरूले आफूमार्फत विभिन्न हिमाल आरोहणका लागि एका सबै व्यक्तिहरूको सुरक्षित बसोबास तथा आरोहणको व्यवस्था मिलाउन हुन अनुरोध छ’, विभागले भनेको छ, ‘मौसमको अनुकूलताको ख्याल राखेर मात्र आरोहण कार्य गर्नु/गराउनु हुन अनुरोध छ ।’ विभागले जारी गरेको मौसम सचेततामा उल्लेख छ  । 

असोज २ सम्म मौसम प्रतिकूल हुने रिपोर्ट आएको उल्लेख गर्दै विभागअन्तर्गतको होटल तथा पर्वतारोहण डिभिजनले विभिन्न हिमाल आरोहणमा गएकाहरूको सुरक्षित बसोबास मिलाउन  सम्बन्धित एजेन्सीहरूलाई निर्देशन दिएको छ । साथै हिमाल आरोहणका निम्ति अनुमति लिएकाहरूलाई मौसमको अनुकूलता हेरेर मात्र त्यसतर्फ पठाउन पनि निर्देशन दिएको छ ।

अहिले हिमाल आरोहणको याम भएकाले आरोहीहरु अहिले नेपालका विभिन्न हिमालमा पुगेका छन् आरोहणका लागि जाने क्रममा छन् । अहिलेसम्म हिमाल आरोहणका लागि अनुमति लिएका, आरोहणमा गएका र जाने क्रममा रहेका आरोहीको संख्याबारे भने विभागले तथ्यांक खुलाएको छैन । 

स्वदेशी तथा विदेशी पर्वतारोहीहरूलाई पर्वतारोहण गराउने एजेन्सीहरूले पर्वतारोहीहरूको सुरक्षामा ध्यान नदिँदा अप्रिय दुर्घटना भई जनधनको क्षति हुने गरेको छ ।


एक वर्षमा धरहराको मुख्य संरचना पुनर्निर्माण गर्ने ज्ञवालीको प्रतिबद्धता
एक वर्षमा धरहराको मुख्य संरचना पुनर्निर्माण गर्ने ज्ञवालीको प्रतिबद्धता

काठमाडौं । राष्ट्रिय पुनर्निर्माण प्राधिकरणले आगामी एक वर्षमा धरहराको मुख्य संरचना पुनर्निर्माण गर्ने प्रतिबद्धता व्यक्त गरेको छ ।  संघीय संसदको राज्य व्यवस्था तथा सुश..

१३ औं साग: गल्फर सुवासले जिते ऐतिहासिक दुई स्वर्ण
१३ औं साग: गल्फर सुवासले जिते ऐतिहासिक दुई स्वर्ण

काठमाडौं । १३ औं दक्षिण एसियाली खेलकुदमा गल्फर सुवास तामाङले व्यक्तिगत र टिम इभेन्टतर्फबाट दोहोरो स्वर्ण जितेका छन् । सागमा नेपालले गल्फमा जितेको यो नै पहिलो स्वर्ण हो । १७..

अदालत जाँदै गरेकी बलात्कृत महिलालाई ट्रेन स्टेसनमा जलाइयो, अवस्था चिन्ताजनक !
अदालत जाँदै गरेकी बलात्कृत महिलालाई ट्रेन स्टेसनमा जलाइयो, अवस्था चिन्ताजनक !

काठमाडौं । भारतको उत्तर प्रदेशमा बलात्कृत एक महिलालाई अदालत जाँदै गर्दा बाटोमा जलाउने प्रयास भएको छ । उन्नाओ जिल्लाकी २३ वर्षीय ती महिलाको हाल अस्पतालमा उपचार भइरहेको छ । उ..

५ कि.मि. दौडमा नेपाललाई स्वर्ण र कास्य, साइक्लिङका कारण आज र भोलि सडक प्रभावित
५ कि.मि. दौडमा नेपाललाई स्वर्ण र कास्य, साइक्लिङका कारण आज र भोलि सडक प्रभावित

काठमाडौं । १३ औं दक्षिण एसियाली खेलकुद प्रतियोगिताअन्तर्गत शुक्रबार बिहान भएको ५००० मिटर दौडमा नेपालले स्वर्ण र कास्य पदक हासिल गरेको छ । खेलमा नेपालका गोपीचन्द्र पार्कीले..