सिरियामा अमेरिकाको विश्वासघात, आईएस लखेट्ने कुर्दिस लडाकु सिध्याउन टर्कीको प्रयोग


नेपालपाना प्रकाशित: २०७६-६-२७ गते
सिरियामा अमेरिकाको विश्वासघात, आईएस लखेट्ने कुर्दिस लडाकु सिध्याउन टर्कीको प्रयोग

काठमाडौं । रुससँगको शीतयुद्धपछि आतंकवाद नियन्त्रणका नाममा विश्वभर युद्ध थोपर्दै आएको अमेरिकाले पछिल्लो पटक सिरियामा असली अनुहार देखाएको छ । 

अमेरिकी अतिक्रमणकै कारण इराकबाट जन्मिएर आगो झैं फैलिएको इस्लामिक स्टेट (आईएस) नामक खतरनाक आतंकवादी संगठनलाई निमिट्यान्न पार्न लडेका कुर्दिस लडाकुमाथि अमेरिकाले बेइमानी गरेको हो । कुर्दिसहरुले अमेरिकाकै सहयोगमा यसअघि आईएससँग लडाइँ गरेका थिए । कुर्दहरुको टर्कीसँग लामो समयदेखि वैमनश्यता छ । 


टर्कीले आक्रमण गरेपछि धुवाँमा रङ्गमङ्गिएको उत्तरी सिरियाको एक शहर । 

यही वैमनश्यताका कारण टर्कीले अहिले सिरियाली कुर्दहरुमाथि भयानक हमला गरिरहेको छ । तर आईएससँगको लडाइँमा साथ दिएको अमेरिकाले कुर्दहरुसँग गरेको पूर्व समझदारीअनुसार टर्कीलाई यो आक्रमणबाट पछि हट्न निर्देशन दिनुको साटो उल्टै आफ्नो सैनिक सिरियाबाट फर्काउन लागेको छ । यसले सिरिया संकट थप गहिरिने र आईएसविरुद्धको लडाईँ समेत थप कमजोर हुने देखिएको छ । 

अमेरिकाले एकाएक सिरियाबाट आफ्नो सैनिक फिर्ता लैजाने घोषणा गरेपछि टर्कीले कुर्द लडाकुबिरुद्ध वायु र स्थल आक्रमण तीब्र बनाएको हो । यस्तो अवस्थामा अमेरिकाले भने सिरियामा रहेका आफ्ना सबै सैनिक बाहिर निकालिरहेको छ । 

सिरियाली क्षेत्रमा अमेरिकाको सहयोगी रहेका कुर्द लडाकुहरुलाई सिध्याउन टर्कीले पछिल्लो आक्रमण गरेको हो । तर अमेरिकाले भने सिरियाको स्थायित्वकै लागि टर्कीले सैन्य आक्रमण शुरु गरेको दाबी गरेको छ । अमेरिकी रक्षामन्त्री मार्क एस्परले कुर्दिस लडाकुहरुलाई आफुहरुले सहयोग गर्न नसक्ने, बरु उनीहरुले अब सिरिया र रुससँग सहयोग माग्न सक्ने अभिव्यक्ति दिएका छन् । 


इस्लामिक चरमपन्थी आतंकवादी संगठन इस्लामिक स्टेटसँग दृढतापूर्वक लडेका कुर्दिस महिला लडाकुहरु । यी लडाकुहरुहरुको वीरतालाई लिएर संसारभर चर्चा हुने गरेको छ ।

कुर्दिस लडाकुमाथि आक्रमण गरिरहेका टर्कीका सेनाको सामना गर्न आफ्ना सैनिक उत्तरी क्षेत्रमा बढीरहेको सिरियाले जनाएको छ । कुर्द बाहुल्य क्षेत्रमा टर्कीले गरिरहेको अमानवीय आक्रमणका कारण अहिलेसम्म १,३०,००० मानिसहरु विस्थापित भईसकेको र विस्थापितहरुको संख्या अझै बढ्न सक्ने संयुक्त राष्ट्रसंघले बताएको छ । 

गत हप्तामात्रै सीरियाली डेमोक्रेटिक फोर्सेज र कुर्द नेतृत्वमा आईएसविरुद्ध लडिरहेका लडाकुहरुले टर्कीको हमलाका कारण स्थिति बिग्रिए आफुहरुले चरमपन्थी संगठन इस्लामिक स्टेटका संदिग्ध लडाकुका परिवारको रक्षा गर्न नसक्ने बताइसकेका छन् । उनीहरुका अनुसार आइतबार नै इस्लामिक स्टेटसँग जोडिएका करिब ८०० मानिसहरु उत्तरी सिरियाको एक शिविरबाट भागिसकेका छन् । 

सिरियाबाट बख्तरबन्द गाडीमा फिर्ता हुँदै गरेका अमेरिकी सैनिकहरु । 

गत हप्तादेखि कुर्दिस लडाकुमाथि टर्कीले गरिरहेको हमलाको अन्र्तराष्ट्रिय क्षेत्रबाट चर्को आलोचना भईरहेको छ । सिरियामा इस्लामिक स्टेट विरुद्धको लडाइँमा सिरियाली डेमोक्रेटिक फोर्सेज पश्चिमी देशहरुको मुख्य सहयोगी थियो । अहिले टर्कीले कुर्दिस नेतृत्वमा रहेको यही शक्तिमाथि भीषण आक्रमण थालेको हो । 

टर्कीले कुर्दहरु चरमपन्थी भएको आरोप लगाएको छ र आफ्नो सिमाबाट ३० किलोमिटर सिरियातर्फ रहेका कुर्दहरुलाई धपाउन चाहेको बताउने गरेको छ ।


अष्ट्रेलियाको अध्यागमनमा दुई नेपाली नागरिक पक्राउ
अष्ट्रेलियाको अध्यागमनमा दुई नेपाली नागरिक पक्राउ

अष्ट्रेलिया । अष्ट्रेलियाको अध्यागमनले दुई नेपाली नागरिकलाई पक्राउ गरेको छ ।  एक वर्षको मल्टीपल भिषा पाएका उनीहरू तीन महिनाको पहिलो बसाइँ सकिएपछि भिषा थप्न नजिकको गन्त..

इरानी सर्वोच्च नेता खमेनीले भने–'इजरायललाई समाप्त पारिदिन्छौं'
इरानी सर्वोच्च नेता खमेनीले भने–'इजरायललाई समाप्त पारिदिन्छौं'

काठमाडौं । इरानका सर्वोच्च नेता अयातोल्लाह अलि खमेनीले इजरायललाई समाप्त पारिदिने चेतावनी दिएका छन् ।  मध्यपूर्वमा अमेरिकी प्रतिनिधीजस्तै रहेको इजरायलको अन्त्यलाई यहुदी..

इन्डोनेसियामा गयो शक्तिशाली भू-कम्प
इन्डोनेसियामा गयो शक्तिशाली भू-कम्प

काठमाडौं । इन्डोनेसियाको मालुकु प्रान्तमा शक्तिशाली भूकम्प गएको छ । अनुसार स्थानीय समयअनुसार शुक्रबार बिहान गएको ७.१ रेक्टर स्केलको भूकम्प गएको अमेरिकन भौगर्भिक सर्भेले जनाएको..

जेलमा रहेका पाकिस्तानी पूर्वप्रधानमन्त्री सरिफलाई विदेश जान अनुमति
जेलमा रहेका पाकिस्तानी पूर्वप्रधानमन्त्री सरिफलाई विदेश जान अनुमति

पाकिस्तान । भष्ट्राचार आरोपमा जेलमा रहेका पाकिस्तानका पूर्वप्रधानमन्त्री नवाज सरिफलाई इमरान खान नेतृत्वको सरकारले उपचारका लागि विदेश जान अनुमति दिएको छ । पाकिस्तानी क्याबिन..