यो कस्तो संयोग ? भुइँचालो गएकै समयमा भाइटीकाको साइत जु-यो  


नेपालपाना प्रकाशित: २०७६-७-४ गते
यो कस्तो संयोग ? भुइँचालो गएकै समयमा भाइटीकाको साइत जु-यो  

काठमाडौं । नेपाल पञ्चाङ्ग निर्णायक समितिले यो बर्षको भाइटीकाको साइत कात्तिक १२ गते मङ्गलबार बिहान ११ बजेट ५५ मिनेट जाँदा उत्तम रहेको जनाएको छ ।

१२ गते दिनभर टीका लगाउन बाधा नपरेपनि साइत खोज्नेका लागि अभिजित् मुहूर्तको शुभ साइत दिइएको समितिले जनाएको छ । राज्य सञ्चालकले भने साइतमै टीका लगाउनुपर्छ । सर्वसाधारणका लागि दिनभर टीका लगाउन कुनै समस्या छैन ।

स्मरण रहोस : भाइटीकाका लागि उत्तम रहेको ठ्याक्कै यही समयमा विनाशकारी बारपाक भूकम्पको झट्का शुरु भएको थियो । वि.सं. २०७२ बैशाख १२ गते बिहान ११ बजेर ५५ मिनेटमै गोरखाको बारपाकलाई केन्द्रबिन्दु भूकम्प जाँदा ठूलो जनधनको क्षति भएको हो । अहिलेसम्म पनि भूकम्पोत्तर पुनर्निमाण जारी छ । 

भाइटीकाको साइत भूकम्प गएकै समयमा जु-यो भन्नुको अर्थ सो समयमा फेरि भूकम्प आउँछ भन्ने चाहिँ होईन । तर टीकाको साईत र भूकम्प गएको समय एकै समयमा पर्नुलाई अनौठो संयोग चाहिँ मान्न सकिन्छ ।

यस वर्ष यमपञ्चक कात्तिक ८ गते शुक्रबारदेखि शुरु हुन्छ । त्यस दिनदेखि यमदीप दान सुरु गरिन्छ । कात्तिक ९ गते शनिबार काग तिहार परेको छ । यसैगरी धनवन्तरी जयन्ती र धनतेरस पर्व पनि यसै दिन परेको छ । 

कात्तिक १० गते आइतबार बिहान नरक स्नानसहित कुकुर तिहार र बेलुकी लक्ष्मीपूजा परेको छ । बिहान ११ बजेसम्म कात्तिक कृष्ण चतुर्दशी र त्यसपछि औंशी तिथि लाग्ने भएकाले शास्त्रसम्ममत्रूपमा पर्वसम्बन्धी निर्णय गरिएको समितिका सदस्य सचिव सूर्यप्रसाद ढुंगेलले बताए।

गाई, गोरु र आत्म(म्ह) पूजा भने कात्तिक ११ गते सोमबार गर्नुपर्ने शास्त्रीय वचन रहेको छ । ११ गते बिहान ९ ः ४३ बजेसम्म औँसी तिथि पर्दछ । त्यसपछि कात्तिक शुक्ल प्रतिपदा प्रारम्भ हुने भएकाले आत्म (म्ह) पूजा यसै दिन गर्नुपर्ने हुन्छ ।

कात्तिक १२ गते भाइटीकाकै दिन यस वर्ष नेपाल सम्वत्अनुसार नयाँ वर्ष मनाउनुपर्ने पनि समितिले जनाएको छ । प्रतिपदाका दिन सूर्योदय भएकै दिन नयाँ वर्ष मनाउनुपर्ने शास्त्रीय वचनअनुसार यस्तो निर्णय गरिएको अध्यक्ष गौतमले जानकारी दिए । । यसै दिनदेखि नेपाल संवत् ११४० शुरु हुन्छ ।

भाइपूजा र नेवारी भाषामा किजापूजा पनि कात्तिक १२ गते नै गरिन्छ । कात्तिक १३ गते बिहान ६ः१८ बजेसम्म मात्र द्वितीया तिथि रहेकाले कात्तिक १२ गते नै भाइटीका मनाउन शास्त्रसम्मत हुने समितिको ठहर छ ।


अयोध्या नगर विकास गर्न थाल्याे जोडजाड तयारी, यस्तो छ विकास गर्ने लक्ष्यहरू:
अयोध्या नगर विकास गर्न थाल्याे जोडजाड तयारी, यस्तो छ विकास गर्ने लक्ष्यहरू:

काठमाडौं ।  अयोध्यालाई विकास गर्न जोडजाड तयारी थालेको छ । भारतको सर्वोच्च अदालते रामको जन्मभूमि अयोध्याको विवादित जग्गासम्बन्धी मुद्दामा हिन्दुहरूको पक्षमा फैसला सुनाए..

तुलसी–दामोदरको विवाह गरिने हरिबोधिनी एकादशी आज, काठमाडौं उपत्यकाका चार नारायणमा भव्य मेला लाग्दै
तुलसी–दामोदरको विवाह गरिने हरिबोधिनी एकादशी आज, काठमाडौं उपत्यकाका चार नारायणमा भव्य मेला लाग्दै

काठमाडौं । कार्तिक शुक्ल एकादशीका दिन शुक्रबार औषधिको गुणले युक्त तुलसीको पूजा आराधना गरी हरिबोधिनी एकादशी पर्व मनाइँदैछ । हरिबोधिनी एकादशीका दिन तुलसीसँग भगवान् दामोदर (वि..

तराईको छठ विशेष, अस्ताउँदो सूर्यलाई अर्घ्य : (तस्बिरमा तराईको छठ)
तराईको छठ विशेष, अस्ताउँदो सूर्यलाई अर्घ्य : (तस्बिरमा तराईको छठ)

काठमाडौं । मिथिलाञ्चलको प्रमुख पर्व छठको मुख्य दिन शनिबार साँझ अस्ताउँदो सूर्यलाई अर्घ्य दिइँदै छ ।  प्रत्येक वर्ष कार्तिक शुक्ल षष्ठी तिथिका दिन साँझ अस्ताउँदो सूर्यल..

आज छठ पर्वको मुख्य दिन, उपत्यकासहित मिथिलामा रौनक, अस्ताउँदो सूर्यको अर्घ दिइँदै, धार्मिक मान्यता के छ ?
आज छठ पर्वको मुख्य दिन, उपत्यकासहित मिथिलामा रौनक, अस्ताउँदो सूर्यको अर्घ दिइँदै, धार्मिक मान्यता के छ ?

काठमाडौं । आज छठ पर्वको तेस्रो दिन काठमाडौं उपत्यकासहित मिथिलाञ्चल क्षेत्रमा छठ पर्वको विशेष रौनक छ । छठको मुख्य दिन आज साँझ अस्ताउँदो सूर्यको पूजाआरधना गरी अर्घ दिइँदैछ । भोल..