पाकिस्तानमा सत्तापलटको तयारी पुरा भएकै हो ? मौलानामार्फत यसरी खेल्दैछ सेना !


नेपालपाना प्रकाशित: २०७६-७-१४ गते
पाकिस्तानमा सत्तापलटको तयारी पुरा भएकै हो ? मौलानामार्फत यसरी खेल्दैछ सेना !

काठमाडौं । आर्थिक अवस्था थप खराब हुँदै जानु र कश्मीर मामिलामा कमजोर देखिएपछि पाकिस्तानी प्रधानमन्त्री इमरान खान सत्ताच्युत हुने खतरा बढेको छ । 

अझैसम्म सत्ताको हर्ताकर्ता रहेको सेनाका जनरल कमर बाजवाले जतिसुकै बेला पाकिस्तानी सत्ताको चाबी हातमा लिन सक्ने विश्लेषण गर्न थालिएको छ ।

जमाते इस्लामी नामक मुस्लिम संगठनका नेता मौलाना फज्लुर रहमनले हिजो बुधबार आजादी -याली निकालेका छन् । पाकिस्तानी सेनाकै निर्देशनमा मौलानाले सो -याली निकालेको र सो कामका लागि ४५ लाख पाकिस्तानी रुपया समेत दिइएको दक्षिण एसियाका गुप्तचर स्रोतहरुको दाबी छ । 

यसैबीच पाकिस्तानी सेनाले आफ्नो १११औं ब्रिगेडको छुट्टी समेत रद्द गरिदिएको छ । पाकिस्तानी सेनाको १११औ ब्रिगेड त्यही हो, जसले इस्लामाबादमा यसअघि भएका तख्तापलटमा महत्वपूर्ण भूमीका निभाएको थियो । पाकिस्तानमा यसअघि जति पनि तख्तापलट भएका छन्, त्यसमा सेनाको १११औं ब्रिगेडले नेतृत्व लिने गरेको थियो ।

यतिखेर प्रधानमन्त्री इमरान खानले निकै मुस्किल अवस्थाको सामना गरिरहेका छन् । महंगीले चरम सिमा पार गरेको छ र पाकिस्तानको आर्थिक बृद्धिदर ६ प्रतिशतबाट घटेर ३ प्रतिशतमा सिमित भएको छ । नागरिकले निकै तनाव ब्यहोरिरहेका छन् ।

मुख्य सहयोगी चीनले पनि चीन पाकिस्तान आर्थिक कोरिडोर (सीपीईसी) मा थप लगानी गर्न नसक्ने जनाउँदै सहायताको हात पछाडि सारेको छ । अहिलेसम्म चीनले सो कोरिडोर निर्माणमा जम्माजम्मी २२ बिलियन अमेरिकी डलर मात्र खर्च गरेको छ ।

उल्टै, सो कोरिडोर २३ बर्षका लागि लिजमा दिन पाकिस्तानमाथि दबाब थोपरेको छ । चीनको पछिल्लो प्रस्तावले पनि इमरान खानमाथि थप मुस्किल अवस्था पैदा गरेको छ । 

यी समस्याहरुको सबै दोष इमरानमाथि नै लाद्न पाकिस्तानी सेनाप्रमुख बाजवा लागिपरेको अड्कल गरिँदैछ । यसैलाई पटाक्षेप गर्दै सेनाले मौलानामार्फत इमरानलाई सत्ताच्युत गराउन गोडी चालेको विश्लेषण गरिएका छन् । 

मीयत–उल–इस्लाम पाकिस्तान (फ़ज़लुर्रहमान गुट) पाकिस्तानको एक विपक्षी पार्टी तथा सबैभन्दा ठूलो धार्मिक गुटमध्येको एक हो । मौलानाले निकालेको आजादी -यालीको मुख्य उद्देश्य प्रधानमन्त्री खानले लिएका नीतिहरुको विरोध गर्ने र उनलाई राजीनामा गर्न बाध्य तुल्याउनु हो  

यसअघि अक्टोबर २ तारिखका दिन सेनाप्रमुख बाजवाले देशका व्यापारीहरुको समूहसँग बैठक गरेका थिए । उनीसँग पाकिस्तानी सेना प्रमुखले देशको खराब अवस्थाबारे चर्चा समेत गरेका थिए । यो छलफलबारे पाकिस्तानी सेनाले प्रधानमन्त्री खानलाई कुनै जानकारी समेत दिएको थिएन ।


दक्षिण कोरियामा कोरोनाको त्रास बढेसँगै २५ लाख मानिसलाई घरभित्र बस्न आग्रह
दक्षिण कोरियामा कोरोनाको त्रास बढेसँगै २५ लाख मानिसलाई घरभित्र बस्न आग्रह

सियोल । दक्षिण कोरियामा कोरोनाको त्रास बढेपछि २५ लाख मानिसलाई घरभित्र बस्न आग्रह गरेका छन् । दक्षिण कोरियाली डाइगुका मेयर क्वोन योङ-जीनले नगर क्षेत्रमा प्राणघातक कोरोना जीव..

पाकिस्तानविरुद्ध चीनले भारतलाई दियो साथ, पाकिस्तानले प्रतिबद्धता पुरा गर्नै पर्ने
पाकिस्तानविरुद्ध चीनले भारतलाई दियो साथ, पाकिस्तानले प्रतिबद्धता पुरा गर्नै पर्ने

चीन । चीनले पाकिस्तानविरुद्ध भारतलाई साथ दिने भएको छ । आतंकवादी संगठनले प्राप्त गर्ने पैसा रोक्न असफल भएको भन्दै चीन र साउदी अरबले पाकिस्तानमाथि कडाई गर्ने भएका हो ।  ..

अमेरिकाआवद्ध एक हवाई कारबाहीमा परी तीन आतङ्ककारी मारिए
अमेरिकाआवद्ध एक हवाई कारबाहीमा परी तीन आतङ्ककारी मारिए

काठमाडौं । सोमालियामा बुधबार अमेरिकाआवद्ध एक हवाई कारबाहीमा परी अल शबाब आतङ्ककारी समूहका तीन सदस्य मारिएका छन् । यस कारबाहीको क्रममा सर्वसाधारणतर्फ कुनै हताहत नभएको संयुक्त..

पाकिस्तानमा मुस्लिम ज्यादतीविरुद्ध हिन्दुहरु आन्दोलित, बेलायतमा पनि प्रदर्शन, इमरानलाई आपत
पाकिस्तानमा मुस्लिम ज्यादतीविरुद्ध हिन्दुहरु आन्दोलित, बेलायतमा पनि प्रदर्शन, इमरानलाई आपत

इस्लामावाद । मुस्लिम राष्ट्र पाकिस्तानमा हिन्दु समुदायको आन्दोलन चर्किएको छ । मुसलमानहरुले आफूमाथि ज्यादती गरेको र राज्यले समेत त्यसलाई सहयोग गरेको भन्दै हिन्दुहरु आन्दोलनमा उ..