अब इस्लामिक स्टेटको 'नयाँ बगदादी' को बन्ला ? 


नेपालपाना प्रकाशित: २०७६-७-१४ गते
अब इस्लामिक स्टेटको 'नयाँ बगदादी' को बन्ला ? 

काठमाडाैं । बिद्रोहीको समूहबाट पैदा भएको संसारकै सबैभन्दा खतरनाक र हिंस्रक चरमपन्थी संगठन इस्लामिक स्टेटले नेता अबु बक्र अल बग्दादीको नेतृत्वमा अफ्रिकादेखि अस्ट्रेलियासम्म आफ्नो शक्ति बृद्धि गरिरहेको थियो । 

तर यो संगठनले यतिखेर आफ्नो मुखिया गुमाएसँगै अब कुन बाटो लिन्छ त ? नयाँ नेतृत्वका लागि आईएसले अहिले के गरिरहेको छ ? यो आतंकवादी संगठनले समर्थकसामु आफ्ना कुनै पनि कमजोरी देखाउन चाहँदैन र नेता बगदादी मारिएपछि पनि कुनै प्रकारले असन्तुलित भएको सन्देश दिन चाहनेछैन । 

पुरुषै पुरुषहरुको नेतृत्वमा रहेको आईएसआईसको प्रमुख कमिटीले संगठनको नयाँ प्रमुखका लागि कैयौं उम्मेदवारको विकल्पबारे यतिखेर छलफल गरिरहेको हुनुपर्छ ।

संगठनको नेतृत्व गर्ने चाहना राख्ने उम्मेदवारमा आईएसप्रति पूर्ण निष्ठा, प्रभावकारी रणनीति बनाउने क्षमता, दागरहित धार्मिक पहिचान र युद्ध लड्नका लागि अनुभव एवं कठोर सजाय दिने तरिकाबारे साहसी क्षमता हुनुपर्नेछ । 

इस्लामिक स्टेटमा इराकी पूर्व राष्ट्रपति सद्दाम हुसेनका सेना र गुप्तचर संयन्त्रका पूर्व सदस्यका साथै अति रुढीावदी जिहादीहरु संलग्न छन्, यिनीहरुलाई बाथिस्ट पनि भनिन्छ । 

हतियार, गोलाबारुद र खुफिया जानकारी दिने काम यीनै बाथिस्टहरुले गर्ने गर्छन् । इराकलाई बाथिस्टहरुले जसरी सबैभन्दा मिहिन ढङ्गले बुझ्न सक्छन्, यो काम अरुले गर्न सक्दैनन् । जिहादी कट्टरता पैदा गर्ने र आत्मघाती दस्ता तयार गर्ने काममा पनि बाथिष्टहरु निपूर्ण मानिन्छन् । 

बगदादीपछि आईएसको नेता बन्नेले यी दुवै धारका चरमपन्थीहरुबीच बराबर सम्पर्क कायम राख्न सक्नुपर्नेछ । यद्यपीः आईएसलाई केही समयसम्म बगदादीको कमी भने महशुस भैरहनेछ ।

जब विश्वभरका जिहादीहरुले आईएसप्रति निष्ठाको प्रतिज्ञा लिएका थिए, सो बेला उनीहरुले बगदादीलाई खलिफा इब्राहिम मान्दै निजप्रति निष्ठाको बचन दिएका थिए । बगदादीले आफुलाई पैगम्बर मोहम्मदको कुरैश जनजातिकै वंश भएको बताएका थिए । उनले मुसलको अन नुरी मस्जिदबाट बगावतको घोषणा गरेका थिए । पछि यो मस्जिदलाई विस्फोटकबाट उठाईएको थियो ।

बगदादी एक सिरियल बलात्कारी भएको पनि बताइन्छ । याजिदी महिला र बच्चाहरुलाई बगदादीले गुलाम बनाएका थिए र अमेरिकी सहायताकर्मी कायला मुलर तथा अन्य महिलामाथि जबर्जस्ती करणी गरेका थिए । 

बदलाको कोशिस 

अब इस्लामिक स्टेटले फेरि इराक र सिरियालाई निशाना बनाउन सक्छ । किनकी यो आतंकवादी संगठनका लागि सबैभन्दा सजिलो निशाना यही क्षेत्र हो । यहाँ हतियार र गोलाबारुदका साथै आत्मघाती दस्ताबाट हमला गराउन सजिलो मानिन्छ । 

जब आईएसले सिरियाको बागुजमा आफ्नो नियन्त्रण गुमाएको थियो, सो बेलादेखि नै उसले हमला जारी राख्ने कसम खाएको थियो । युरोप, अमेरिकी, उत्तरी अफ्रिका, अरब मुलुक र एसियाली देशहरुसमेत आईएसको निशानामा छन् । 

व्यक्तिगत तवरले हुने हमला र इन्टरनेटमार्फत कट्टरपन्थलाई बढाएर पनि आईएसले बगदादीको मृत्युको बदला लिन सक्नेछ । आईएसको निशानामा रहेको युरोपेली मुलुक फ्रान्सले त आफ्ना नागरिकका लागि सुरक्षासम्बन्धी चेतावनी समेत जारी गरिसेको छ । 

ठूलो हमला गर्न चाहेपनि आईएसका नेताहरुलाई यो थाहा छ कि जति ठूलो योजना हुन्छ, उति नै उसको योजनाबारे खुफिया एजेन्सीलाई जानकारी प्राप्त हुन्छ । यसकारण आउने दिनहरुमा यो समूहले सानै योजना र हतियारको प्रयोगमार्फत सानोस्तरको हमला गराउन सक्नेछ । यसअघि केही कमजोर देखिएर फेरि जाग्ने क्रममा आईएसले विश्वलाई नै स्तब्ध बनाउने हमलाहरु गराउने गरेको छ । 

बगदादीले इराकस्थित अमेरिकी शिविरमा रहँदा आफ्नो नेतृत्वमा अन्य जिहादीका साथ मिलेर अलकायदालाई सक्रिय बनाईदिएको थियो । तर यी दुई संगठनबीचमा अनेकन विषयमा असहमति छन् ।

सन् २०१६ मा अलकायदाबाट अलग भएको आईएसले विश्वभर आतंक मच्चाएको थियो । आइएसको अतिहिंस्रक क्रियाकलापका कारण मुस्लिम जगतले नै उसलाई विश्वास गर्न छाडेका छन् । 

तर यसले आईएसलाई खासै असर भने पर्ने छैन । किनकी यो आतंकवादी संगठनले मनोरोगी र क्रुर हिंसा गर्न चाहने अपराधी मनोवृत्तीका व्यक्तिहरुलाई भर्ती गरी उनीहरुमार्फत आतंकवादी हमला गराउने गरेको छ । 

(बीबीसी रक्षा संवाददाता फ्रैंक गार्डनरको विश्लेषण)
 


दक्षिण कोरियामा कोरोनाको त्रास बढेसँगै २५ लाख मानिसलाई घरभित्र बस्न आग्रह
दक्षिण कोरियामा कोरोनाको त्रास बढेसँगै २५ लाख मानिसलाई घरभित्र बस्न आग्रह

सियोल । दक्षिण कोरियामा कोरोनाको त्रास बढेपछि २५ लाख मानिसलाई घरभित्र बस्न आग्रह गरेका छन् । दक्षिण कोरियाली डाइगुका मेयर क्वोन योङ-जीनले नगर क्षेत्रमा प्राणघातक कोरोना जीव..

पाकिस्तानविरुद्ध चीनले भारतलाई दियो साथ, पाकिस्तानले प्रतिबद्धता पुरा गर्नै पर्ने
पाकिस्तानविरुद्ध चीनले भारतलाई दियो साथ, पाकिस्तानले प्रतिबद्धता पुरा गर्नै पर्ने

चीन । चीनले पाकिस्तानविरुद्ध भारतलाई साथ दिने भएको छ । आतंकवादी संगठनले प्राप्त गर्ने पैसा रोक्न असफल भएको भन्दै चीन र साउदी अरबले पाकिस्तानमाथि कडाई गर्ने भएका हो ।  ..

अमेरिकाआवद्ध एक हवाई कारबाहीमा परी तीन आतङ्ककारी मारिए
अमेरिकाआवद्ध एक हवाई कारबाहीमा परी तीन आतङ्ककारी मारिए

काठमाडौं । सोमालियामा बुधबार अमेरिकाआवद्ध एक हवाई कारबाहीमा परी अल शबाब आतङ्ककारी समूहका तीन सदस्य मारिएका छन् । यस कारबाहीको क्रममा सर्वसाधारणतर्फ कुनै हताहत नभएको संयुक्त..

पाकिस्तानमा मुस्लिम ज्यादतीविरुद्ध हिन्दुहरु आन्दोलित, बेलायतमा पनि प्रदर्शन, इमरानलाई आपत
पाकिस्तानमा मुस्लिम ज्यादतीविरुद्ध हिन्दुहरु आन्दोलित, बेलायतमा पनि प्रदर्शन, इमरानलाई आपत

इस्लामावाद । मुस्लिम राष्ट्र पाकिस्तानमा हिन्दु समुदायको आन्दोलन चर्किएको छ । मुसलमानहरुले आफूमाथि ज्यादती गरेको र राज्यले समेत त्यसलाई सहयोग गरेको भन्दै हिन्दुहरु आन्दोलनमा उ..