केरुङ प्रवेश गर्नका लागि बसाइँसराइ गर्ने बढे


नेपाल पाना प्रकाशित: २०७६-७-१९ गते
केरुङ प्रवेश गर्नका लागि बसाइँसराइ गर्ने बढे

रसुवा । चार वर्षअघि व्यापारिक कारोबार सुरु भएको केरुङ प्रवेशका लागि बाहिरी जिल्लाबाट बसाइँसराइ गरी आउनेको संख्या बढेको छ। 

केरुङ प्रवेशका लागि रसुवाका नागरिकले मात्र नेपाल–चीन आगमन–प्रस्थान अनुमतिपत्र चाइना पास पाउने भएकाले बसाइँसराइ गरी आउनेको संख्या बढेको हो। २०७२ असोजदेखि रसुवागढी अध्यागमन कार्यालय रसुवाले पास जारी गर्न थालेको हो।

त्यसअघि जिल्ला प्रशासन कार्यालय रसुवाले पास दिने गरेको थियो। त्यसयता बाहिरी जिल्लाका करिब तीन सयजनाले पास लिएका छन्। सो पास लिनेमा सबैभन्दा बढी सवारी चालक रहेको अध्यागमन कार्यालयका सूचना अधिकारी गणेश भण्डारीले बताए। ‘बाहिरी जिल्लाका नागरिकलाई पास नदिने भएकाले यहाँ बसाइँसराइ गरेर आउन थालेका हुन्,’ उनले भने, ‘पास लिन रसुवाकै नागरिक हुनपर्छ।’ 

एकचोटि पास बनाएपछि एक वर्षसम्म आवतजावत गर्न तथा केरुङमै बसेर काम गर्न सकिन्छ। त्यसपछि पुनः नवीकरण गर्नुपर्ने हुन्छ। कार्यालयका अनुसार हालसम्म १० हजार नौ सय ४९ वटा पास जारी भइसकेको छ। पास लिने अधिकांश केरुङमा कार्यरत छन्। केरुङमा रहेको होटल, डान्सबार, निर्माण क्षेत्रमा काम गर्नेहरू बढी छन्।

यो २०७२ असोज २८ गतेदेखि अध्यागमन कार्यालयबाट पास जारी हुन थालेको हो। कम खर्चमा धेरै आम्दानी हुने, आवतजावत गर्न सहज र राहदानी बनाउनुपर्ने झन्झट नहुने भएपछि पछिल्लो समय त्यहाँ जानेको संख्या बढेको देखिएको छ। केरुङमा करिब एक हजार नेपाली कार्यरत छन्। त्यहाँका नेपालीमध्ये अधिकांश होटल, डान्सबार, ट्रान्सपोर्ट र ब्लक निर्माणलगायत क्षेत्रमा कार्यरत रहेका कार्यालयले जनाएको छ। 

केरुङमा कार्यरत रसुवाका नागरिक दसैं, तिहार तथा ल्होसारमा घर फर्कने गरेको त्यहाँका पुरुषोत्तम पौडेलले बताए। खाडी मुलुक जान छाडेर केरुङ जाने नेपाली बढेका उनको भनाइ छ। त्यहाँका होटल तथा डान्सबारमा करिब पाँच सय किशोरी कार्यरत छन्। जसमा तीन सयको हाराहारीमा रसुवाकै छन्। 

‘दिनभर होटलमा काम गरेर राति डान्सबारमा काम गर्ने पनि छन्,’ एक किशोरीले भनिन्, ‘यस्तो समस्याचाहिँ चिनियाँ होटलमा काम गर्नेमा बढी छ।’ केरुङमा आधा दर्जनजति नेपाली होटल छन्।
नागरिक दैनिकबाट


बैदेशिक रोजगारीका संयन्त्रलाई स्थानीयकरण गर्न जोड
बैदेशिक रोजगारीका संयन्त्रलाई स्थानीयकरण गर्न जोड

काठमाडौं । बैदेशिक रोजगारीका संयन्त्रलाई स्थानीयकरण गर्न जोड दिएको छ ।  देश संघीयतामा गइसके पनि बैदेशिक रोजगारीका अधिकाशं संयन्त्र केन्द्रिकृत हुदाँ सेवा ग्राहीले सहजत..

सर्वोच्चले रिट निवेदनलाई ‘अग्राधिकार’ दिंदै सरकारसँग माग्यो सीमा रक्षा गर्न नसक्नुको कारण
सर्वोच्चले रिट निवेदनलाई ‘अग्राधिकार’ दिंदै सरकारसँग माग्यो सीमा रक्षा गर्न नसक्नुको कारण

काठमाडौं । सर्वोच्च अदालतले सरकारलाई भारतले सीमाना मिच्दा आफ्नो जमिनको रक्षा गर्न नसक्नुको कारण माग गरेको छ। प्रधानन्यायाधीश चोलेन्द्र समशेर राणाको एकल इजलासले शुक्रबार रिट..

अतिक्रमित भूमिमा राष्ट्रिय झन्डा फहराइयो, विद्यार्थी र एसएसबीबीच ढुंगा हानाहान 
अतिक्रमित भूमिमा राष्ट्रिय झन्डा फहराइयो, विद्यार्थी र एसएसबीबीच ढुंगा हानाहान 

इलाम । भारतले नेपाली भूभागलाई आफ्नो नक्सामा समावेश गरेपछि विरोध जनाउँदै आएको अनेरास्ववियु इलामले सन्दकपुरमा प्रदर्शन गरेको छ । भारतले दसगजा र नेपाली भूमिमा कब्जा जमाएको भन्..

चिकित्सा शिक्षामा शुल्क आतङ्क, फिर्ता गर्ने सुरसार छैन्
चिकित्सा शिक्षामा शुल्क आतङ्क, फिर्ता गर्ने सुरसार छैन्

काठमाडौं । मेडिकल कलेजहरूले सरकारले तोकेको शुल्कभन्दा बाहेक विविध शीर्षकमा ठूलो रकम असुल्दा चिकित्साशास्त्र अध्ययनरत विद्यार्थी चर्को मर्कामा परेका छन् । अतिरिक्त शुल्क आतङ..