भावी प्रधानमन्त्रीमा पोखरेलको भाग्य बलियो, प्रचण्डका खराब दिन शुरू


नेपाल पाना प्रकाशित: २०७६-७-२१ गते
भावी प्रधानमन्त्रीमा पोखरेलको भाग्य बलियो, प्रचण्डका खराब दिन शुरू

काठमाडौं । भावी प्रधानमन्त्रीका रुपमा सत्तारुढ नेपाल कम्युनिस्ट पार्टी (नेकपा)का प्रभावशाली नेता ईश्वर पोखरेल अगाडि देखिएपछि दोस्रो तहका अध्यक्ष पुष्पकमल दाहाल ‘प्रचण्ड’लाई छटपटी शुरु भएको छ ।

भावी प्रधानमन्त्रीका रुपमा आफूलाई प्रस्तुत गर्दै आएका प्रचण्डलाई प्रधानमन्त्री पद पाउन त्यति सजिलो छैन । स्रोतका अनुसार उपप्रधान एवम् रक्षामन्त्री समेत रहेका पोखरेललाई चीनले साथ दिएको छ ।

पार्टीमा पनि स्कूल विभागको प्रमुख रहेका पोखरेललाई चिनियाँहरूले रुचाएका छन् । चिनियाँहरूले पोखरेललाई नै भावी प्रधानमन्त्रीका रुपमा हेरेको चर्चा धुम्बाराहीतिर हुन थालेको छ । पोखरेल निकटका एक जना नेताले पनि पोखरेलाई नयाँ प्रधानमन्त्रीका रुपमा पूर्वएमाले नेताहरूले लिएको बताएका छन् ।

चिनियाँ राष्ट्रपति सी जिनपिङको नेपाल भ्रमण हुनु अगाडि पोखरेलले सी बिचारधारामा नेकपाले अंगाल्ने गरेर काठमाडौंमा चिनियाँ कम्युनिस्ट पार्टीका शक्तिशाली नेताहरूलाई राखेर प्रशिक्षण नै चलाएपछि चीनले पोखरेललाई रुचाएको हो ।

पोखरेललाई चीनले रुचाएको थाहा पाएपछि प्रचण्डलाई तनाब बढ्न थालेको छ । प्रचण्डले आफूलाई भावी प्रधानमन्त्रीका रुपमा बाँकेमा दुई दिन अगाडि बोलिसकेका छन् । प्रचण्डलाई एमाले पृष्ठभूमि भएका नेताहरूले साथ दिने छाँटकाँट छैन ।

प्रचण्डलाई चीन र भारत दुबैले विश्वास गर्न सकेका छैनन् । प्रचण्डलाई अन्तर्राष्ट्रिय शक्तिहरूको साथ भएन भने प्रधानमन्त्री बन्न गाह्रो हुने चर्चा धुम्बाराहीतिर हुन थालेको छ । पोखरेलले उपप्रधानमन्त्री एवम् रक्षामन्त्री र नेकपाको स्कूल विभागको प्रमुख भएका बेला अन्तर्राष्ट्रिय शक्तिहरूलाई पनि रिझाउने प्रयास गरिरहेका छन् । ओली निकटका पोखरेलको राजनीतिक भविष्य नेकपाभित्र उज्जवल हुँदै गएको चर्चा छ ।

वरिष्ठ नेता माधवकुमार नेपाल पर्ख र हेरको नीतिमा छन् । उनले मुख खोल्न चाहेका छैनन् । प्रधानमन्त्री एवम् नेकपाका अध्यक्ष खड्गप्रसाद ओलीको पेलानमा परेका नेता नेपालले कसलाई साथ दिने भनेर बोलेका छैनन् । स्रोतका अनुसार नेता नेपाले प्रचण्डलाई भन्दा पनि एमाले पृष्ठभूमि भएकै नेताहरूलाई साथ दिन सक्ने दाबी गरिएको छ । 

नेता नेपाललाई पूर्वमाओवादीहरूले भन्दा पनि पूर्वएमाले नेताहरूले नै साथ दिनेछन् । अहिलेसम्मको नेकपाभित्रको राजनीतिक अवस्था हेर्दा सबै कुराहरूले पूर्वएमाले नेताहरू एक ठाउँमा आउने देखिएको छ ।

यदि पूर्वएमाले नेताहरू एक ठाउँमा आए भने सत्तारुढ नेकपा सग्लो रहनेछैन । पूर्वमाओवादी निकटका एक जना केन्द्रीय सदस्यले भने, ‘अहिलेसम्मको सबै निर्णय र प्रक्रियाहरू हेर्दा पूर्वएमालेहरूले नै पूर्वमाओवादीलाई पेल्दै आएको देखिएको छ । भविष्यमा पनि यस्तै अवस्था रह्यो भने सग्लो पार्टीको भविष्यका बारेमा केही भन्न सकिँदैन ।’


अब प्रतिनिधिसभाको बैठक फागुन १३ गते बस्ने
अब प्रतिनिधिसभाको बैठक फागुन १३ गते बस्ने

काठमाडौँ । अब प्रतिनिधिसभाको बैठक फागनु १३ गते बस्ने भएको छ ।  आज बसेको प्रतिनिधि सभाको बैठकको सुरुमा नै काँग्रेसका सांसदले आसनबाट उभिएर विरोध जनाएपछि फागुन १३ गतेसम्म..

गोकुल बाँस्कोटालाई बर्खास्त गर्नेबारे ओली र प्रचण्डबीच छलफल
गोकुल बाँस्कोटालाई बर्खास्त गर्नेबारे ओली र प्रचण्डबीच छलफल

काठमाडौं । प्रधानमन्त्री एवं नेकपाका अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच भेटवार्ता भएको छ ।  प्रधानमन्त्री निवास बालुवाटारमा भएको भेटमा सञ..

गोकुल बाँस्कोटाले राजीनामा दिने, प्रधानमन्त्रीले दिए निर्देशन
गोकुल बाँस्कोटाले राजीनामा दिने, प्रधानमन्त्रीले दिए निर्देशन

काठमाडौं । करोडौं कमिसन काण्डमा सञ्चारमन्त्री गोकुल बाँस्कोटालाई राजीनामा दिन दबाब परेको छ । प्रधानमन्त्री केपी शर्मा ओली, प्रतिपक्षी नेपाली कांग्रेसले बाँस्कोटालाई राजीनामा द..

सञ्चारमन्त्री गोकुल बास्कोटालाई बर्खास्त गरेर अनुसन्धान गर: कांग्रेस
सञ्चारमन्त्री गोकुल बास्कोटालाई बर्खास्त गरेर अनुसन्धान गर: कांग्रेस

काठमाडौं । सञ्चार तथा सूचना प्रविधि मन्त्री गोकुल बास्कोटालाई बर्खास्त गरेर अनुसन्धान गर्न नेपाली कांग्रेसले माग गरेको छ । सेक्युरिटी प्रेस खरिद प्रकरणमा मुछिएका बास्कोटाला..