करौडोँ राजस्व छलेका ३ चिनियाँसहित ४ जनाविरुद्ध अगाडी बढ्याे मुद्दा

  |   प्रकाशित :

काठमाडौं । १३ करोड राजस्व छली गरेको आरोपमा राजस्व अनुसन्धान विभाग ललितपुरले तीन चिनियाँ नागरिकसहित ४ जनाविरुद्ध मुद्दा छली मुदा अगाडी बढाएको छ । 

विभागले नक्कली बिल प्रयोग गरी राजस्व छली गरेको भन्दै नेपाल दोङहवा कन्सट्रक्सन इन्जिनियरिङ कम्पनीका सञ्चालकहरु याङ लिन, शे श्याङ जुन, वे देगुइ र सुबिन श्रेष्ठविरुद्ध १९ गते मंगलबार काठमाडौँ जिल्ला अदालतमा मुद्दा दायर गरेको थियो । घटनाका आरोपी ३ जना जना चिनियाँ नागरिक हुन् भने १ जना नेपाली रहेका छन् ।
 
राजस्व चुहावट गरेको अभियोगमा १३ करोड १३ लाख ११ हजार बिगो कायम गरी बिगोको दोब्बरसम्म जरिवाना र ३ वर्ष कैदको माग दाबीसहित मुद्दा दर्ता गरिएको विभागका महानिर्देशक दीर्घराज मैनालीले जनाए । उनीहरु अहिले प्रहरी हिरासतमा छन् । उक्त कम्पनीले वस्तु तथा सेवा खरिद नै नगरी झुट्टा तथा नक्कली मूल्य अभिवृद्धि करको बीजक मात्र खरिद गरेर राजस्व चुहावटमा संलग्न रहेको अनुसन्धानमा देखिएको उनले बताए । 
 
यस कम्पनीविरुद्ध राजस्व चुहावट ऐन, २०५२ अनुसार मूल्य अभिवृद्धि करतर्फ ४ करोड २१ लाख, आयकरतर्फ ७ करोड ७७ लाख रुपैयाँ तथा लाभांश करतर्फ १ करोड १४ लाख रुपैयाँ राजस्व चुहावट गरेको विभागले दाबी गरेको छ । उनीहरुविरुद्ध राजस्व अनुसन्धान विभागले विगत ८ महिनादेखि अनुसन्धान गरिरहेको थियो ।

© Copyright Nepalpana.com 2020. All rights reserved.
Design & Developed By Journey For Tech