सीमा विवाद र भारतसँगकोे सम्बन्धबारे छलफल गर्न आज सर्वपक्षीय बैठक बस्दै


कूटनीतिक तवरबाटै सिमा विवाद हल गर्ने प्रधानमन्त्रीको योजना
नेपालपाना प्रकाशित: २०७६-७-२३ गते
सीमा विवाद र भारतसँगकोे सम्बन्धबारे छलफल गर्न आज सर्वपक्षीय बैठक बस्दै

काठमाडौं । भारतले जारी गरेको नयाँ नक्सामा नेपालको भूभाग समेत समेटेपछि बढ्दै गएको नागरिक आक्रोशका बीच प्रधानमन्त्री केपी शर्मा ओलीले आज (शनिबार) सर्वपक्षीय बैठक बोलाएका छन् । 

नेपाल–भारत सिमा विवाद र भारतसँगको सम्बन्धबारे समेत आजको बैठकमा छलफल हुँदैछ । दिउँसो बस्न लागेको सर्वपक्षीय बैठकमा पूर्वप्रधानमन्त्री र पूर्व परराष्ट्रमन्त्री, सीमाविद, परराष्ट्रविद तथा विभिन्न राजनीतिक दलका नेताहरु सहभागी हुनेछन् । 

प्रधानमन्त्रीको सचिवालयस्रोतका अनुसार प्रधानमन्त्री ओली नापी विभागले प्रस्तुत गर्ने नक्सा तथा अरु तथ्य प्रमाणका आधारमा छलफल गर्ने र सुझावसहितको निष्कर्षका आधारमा भारतसँग कुरा गर्ने मनस्थितीमा देखिएका छन् ।


यो पनि पढ्नुहोस : सत्तारुढ नेकपाकै नेताले भने–"कालापानीका लागि विद्यार्थीले भारतको विरोध गर्नु गलत हो"


पछिल्लो सिमा विवाद समाधान गर्न भारतसँग कूटनीतिक माध्यम अपनाई वार्ता गर्ने र समस्या समाधान गर्नेबारे प्रधानमन्त्रीले सर्वपक्षीय बैठकमा छलफल गर्न लागेका हुन् । 

भारतले पछिल्लो पटक सार्वजनिक गरेको नक्सामा नेपालको भूमि लिपुलेक, कालापानी र लिम्पियाधुरा समावेश गरेपछि नागरिकस्तरबाट भारतको चर्को विरोध भैरहेको छ ।

नेपाली भूमि फिर्ताका लागि तत्काल पहल गर्न सत्तारुढ नेकपाकै नेताहरुसहित प्रमुख विपक्षी कांग्रेस लगायतका दल र विद्यार्थी संगठनहरुले दबाब दिइरहेका छन् । तर अहिलेसम्म दलका प्रमुख नेताहरु सिमा मिचिँदापनि मौन बसिरहेका छन् । 

तर, सरकारले कालापानी नेपालको भूभाग भएको भन्दै भारत सरकारले प्रकाशित गरेको नक्सा अस्वीकार्य भएको तथा एकपक्षीय ढंगबाट गरिने कुनै पनि निर्णय नेपाल सरकारलाई मान्य नहुने जनाईसकेको छ ।


हुण्डी कारोबारमा संलग्न भारतीय नागरिक कुलेश्वरबाट पक्राउ
हुण्डी कारोबारमा संलग्न भारतीय नागरिक कुलेश्वरबाट पक्राउ

काठमाडौं । हुण्डी कारोबारमा संलग्न भएको आरोपमा भारतीय नागरिक पक्राउ परेको छ । महानगरीय प्रहरी वृत्त कालिमाटीको टोलीले आइतबार बिहान कुलेश्वरबाट भारतको बेतिया जिल्ला, जोगपट्ट..

‘ब्याक अफ इन्डिया चाइना’ नारासहित माइतीघरमा प्रदर्शन
‘ब्याक अफ इन्डिया चाइना’ नारासहित माइतीघरमा प्रदर्शन

काठमाडौं । नेपाल विद्यार्थी संघले सीमा मिचेको भन्दै भारत र चीन दुवैविरुद्ध आइतबार माइतीघरमा प्रदर्शन गरेको छ । विद्यार्थीहरुले ‘ब्याक अफ इन्डियारचाइना’ नारासहित प्..

स्कुटर दुर्घटनामा युवतीको मृत्यु, एक जना घाइते
स्कुटर दुर्घटनामा युवतीको मृत्यु, एक जना घाइते

काभ्रेपलाञ्चोक । रोशी गाउँपालिका-११ डालाबेँसीस्थित बिपी राजमार्गमा स्कुटर दुर्घटना हुँदा एक युवतीको मृत्यु भएको छ । जिल्ला प्रहरी कार्यालय काभ्रेपलाञ्चोक धुलिखेलका प्रहरी न..

सवारीमा खेलाँची ! अनटेस्ट बाइक ट्याक्टरमा ठोक्किदा दुईजनाको मृत्यु 
सवारीमा खेलाँची ! अनटेस्ट बाइक ट्याक्टरमा ठोक्किदा दुईजनाको मृत्यु 

कञ्चनपुर । कृष्णपुर नगरपालिका–२ वाणी बजारनजिकै रोकिराखेको ट्याक्टरमा अनटेस्ट मोटरसाइकल ठोक्किदा दुईजनाको मृत्यु भएको छ । बिग्रिएर मर्मत गर्न राखिएको ट्रकको पछाडी मोटरसाइ..