शिवमायालाई विद्या र केपीको साथः प्रचण्डलाई धोका, नेकपाभित्र विद्रोहको खतरा !


नेपाल पाना प्रकाशित: २०७६-९-२९ गते
शिवमायालाई विद्या र केपीको साथः प्रचण्डलाई धोका, नेकपाभित्र विद्रोहको खतरा !

काठमाडौं । सभामुख चयनमा बाधक बनिरहेकी उपसभामुख शिवमाया तुम्बाहाम्फेलाई राष्ट्रपति विद्यादेवी भण्डारी र पछिल्लो समय प्रधानमन्त्री केपी शर्मा ओलीको समेत समर्थन रहेको खुलेको छ ।

सुरुमा राष्ट्रपति भण्डारीको बलियो साथ पाएकी शिवमायालाई पछिल्लो समय ओलीले समेत मौन समर्थन गरेको नेकपानिकट उच्च स्रोतले बताएको छ । आफूले भनेको उम्मेदवार सुवास नेम्वाङलाई पूर्वमाओवादी समूहले सभामुख नमान्ने अवस्था तथा शिवमायाका पक्षमा राष्ट्रपति भण्डारीको चर्काे दबाबपछि ओलीले मौन समर्थन जनाएका हुन् । त्यसो त पछिल्लो समय नेकपाभित्र ओली समूहलाई राष्ट्रपति भण्डारीभित्र उपगुटका रुपमा बुझिन्छ । हरेक निर्णयमा राष्ट्रपति भण्डारीको बलियो प्रभाव हुने गरेको छ ।

विगतमा नेपाल प्रहरीको आइजिपी नियुक्तिमा पनि राष्ट्रपतिको दबाब चर्काे थियो । राष्ट्रपतिले आफ्नो नाता पर्ने एआइजी पुष्कर कार्कीलाई आइजी बनाउन भएभरको बल लगाएकी थिइन् । रमेश खरेललाई बनाउने पक्षमा रहेका प्रधानमन्त्री ओली पनि राष्ट्रपतिको दबाबसामु गलिसकेका थिए । तर, त्यतिखेर भागवण्डामा नेपाल प्रहरीको आइजिपी पूर्वमाओवादी समूहमा गयो ।

भर्खर पार्टीको एकता भइरहेको अवस्था र नेपाल प्रहरीको आइजिपीमा माओवादीको कडा अडानले त्यतिखेर राष्ट्रपति समेत पछि हटिन र माओवादीको कोटाबाट अहिले आइजिपी सर्वेन्द्र खनाल नियुक्त भएका थिए । तर, एकता भइसकेपछि पछिल्लो समय निरन्तर माओवादी समूहलाई पेल्दै गइरहेको देखिन्छ । यस्तैमा पूर्वमाओवादीको भागमा परेको सभामुखमा पनि पूर्वएमाले समूह (विद्या र केपी) मिलेर हावी हुन खोजेको देखिएको छ ।

पछिल्लो विकसित घटनाले पार्टीभित्र प्रधानमन्त्री एवं वरिष्ठ अध्यक्ष ओलीबाट आफूमाथि धोका भएको महसुस अर्का अध्यक्ष पुष्पकमल दाहाल प्रचण्डले गरेका छन् । अर्काेतिर प्रचण्डलाई पूर्वमाओवादी नेताहरुले सभामुख कुनै हालतमा नछोड्न दबाब दिइरहेका छन् । यदि यसो भएमा पार्टीमा विद्रोह गर्ने उनीहरुको चेतावनी छ । केही नेताले प्रचण्ड छाडेर ओलीमा जानेदेखि पार्टी नै छोड्ने सम्मको चेतावनी दिएर प्रचण्डलाई दबाबमा पारेका छन् ।

केही नेता भने ओलीले प्रधानमन्त्री अथवा अध्यक्ष पद छाडेमा सभामुख छाड्न सकिने विकल्प प्रचण्डलाई दिएका छन् । पूर्वमाओवादी नेता हरिबोल गजुरेलले सबै पदमा एमालेलाई दिएमा एकताको कुनै अर्थ नहुने बताए । यदि पूर्वएमालेलाई सभामुख चाहिएको हो भने प्रचण्डलाई कि प्रधानमन्त्री वा कि एकल अध्यक्ष बनाउनुपर्ने उनको अडान छ । अन्यथा सभामुख कुनै हालतमा छोड्न नसकिने र जबरजस्ती गरे विद्रोहको अवस्था आउने चेतावनी गजुरेलले दिएका छन् ।


मागअनुसार पर्याप्त माटो नहुँदा सरस्वतीको मूर्ति बनाउने काम प्रभावित
मागअनुसार पर्याप्त माटो नहुँदा सरस्वतीको मूर्ति बनाउने काम प्रभावित

काठमाडौ । नजिकिँदै गएको सरस्वती पूजाको लागि मूर्ति बनाउन माटोको अभाव भएपछि पर्साको पोखरीया नगरपालिका–९ का कालीगढ शिवचन्द्र महतो यसपालि सोचेजस्तो व्यापार नहुने भएकाले चिन..

पाकिस्तानलाई चिनले देखाउन थाल्यो आफ्नो असली रुप, विरोधमा उर्तिदैँ लाखौँ पाकिस्तानी !
पाकिस्तानलाई चिनले देखाउन थाल्यो आफ्नो असली रुप, विरोधमा उर्तिदैँ लाखौँ पाकिस्तानी !

काठमाडौं । चिनको दम (बलबुते)मा कुदिरहेको पाकिस्तानलाई चिनले आफ्नो असली रुप देखाउन लागेको छ । चिनले पाकिस्तानीहरुको नवाज पढ्ने अधिकार खास्न लागेको हो ।  यस भन्दा पहिला..

बोनमा रहेको नेपाली राजदूतावासको स्वामित्वको घरजग्गा विक्री गरिने
बोनमा रहेको नेपाली राजदूतावासको स्वामित्वको घरजग्गा विक्री गरिने

काठमाडौं । सरकारका प्रवक्ता सञ्चारमन्त्री गोकुलप्रसाद बाँस्कोटाले आज पत्रकार सम्मेलनमा सरकारले जर्मनीको बोनमा रहेको नेपाली राजदूतावासको स्वामित्वको जग्गा र भवन बेच्ने निर्णय ग..

‘पिंजडामा फसेर छट्पटाइरहेका ‘प्रचण्ड’ले हामीलाई पनि आउन आग्रह गरेछन् !’
‘पिंजडामा फसेर छट्पटाइरहेका ‘प्रचण्ड’ले हामीलाई पनि आउन आग्रह गरेछन् !’

काठमाडौं । समाजवादी पार्टीका संघीय परिषद अध्यक्ष डा. बाबुराम भट्टराईले नेकपाका अध्यक्ष पुष्पकमल दाहाल ‘प्रचण्ड’ लाई बुढो बाघको संज्ञा दिएका छन् ।  उनले ट्व..