हुसेन कांग्रेस भएकै कारण मुस्लिममाथि अन्याय, खुर्सिद एमाले थिए पैसा पाए


नेपाल पाना प्रकाशित: २०७५-८-६ गते
हुसेन कांग्रेस भएकै कारण मुस्लिममाथि अन्याय, खुर्सिद एमाले थिए पैसा पाए

काठमाडौं । मंगलबार बिहान सुनसरी जिल्ला दुहबीमा हत्या गरिएका फिदा हुसेन नेपाली कांग्रेस भएकै कारण कम्युनिस्ट सरकारले भेदभाव गरेको खुलासा भएको छ ।

दुई महिना अगाडि सुनसरीमै खुर्सिद आलमको हत्या हुँदा तत्काल क्षतिपूर्तिको घोषणा गरेको केपी ओलीको सरकारले मुस्लिम समुदायमाथि पनि भेदभावको नीति राखेको आरोप छ ।

जयबाबा इँटा भट्टातिर लागेका फिदा हुसेन बेलुकी घर फर्किन पाएनन् । श्रीमतीसँगै हिँडिरहेको अवस्थामा उनलाई हतियाधारी अज्ञात समूहले बिहान साढे ६ बजे गोली प्रहार गरेको थियो।

सुनसरीका डिएसपी ज्ञानेन्द्र फूयालका अनुसार केन्द्रीय अनुसन्धान ब्यूरोबाट पनि अनुसन्धानका लागि एक टोली आएको बताए । केहीलाई पक्राउ गरेर सोधपुछ थालिएको छ ।

घटनापछि स्थानीयले हत्याको क्षतिपूर्ति नभइ हत्यारा पक्राउ गर्नुपर्ने माग राख्दै सडक अवरुद्ध गरेका छन् ।

स्थानीयले यसअघि पनि हरिनगरामा अर्का मुस्लिमकै हत्या भएको बताउँदै फेरि पनि मुस्लिमकै हत्या भएपछि प्रशासनसँग आक्रोश पोखेका छन् । उनीहरूले मुस्लिम समुदायको सुरक्षा नभएको भन्दै प्रशासनसँग आक्रोश पोखेका हुन् ।

उनीहरूले सुरक्षाको माग गर्दै दुहबी बजारमा प्रदर्शन गरेका छन् । प्रधानमन्त्री ओलीलाई ज्ञापनपत्र पनि बुझाएका छन् । 

प्रहरीले खुर्सिद आलमको हत्यामा भारतीयको संलग्न रहेको र उनीहरू भारतमै लुकेको दाबी गरेको छ । खुर्सिद आलम एमाले भएकाले उनको परिवारलाई सरकारले तत्काल राहत र क्षतिपूर्ति दिएको थियो ।

घटना भएपछि इन्डियन मुजाहिद्दिनका ४ लडाकुलाई आफ्नै घरमा आश्रय दिएर नेपाली नागरिकता र राहदानी उपलब्ध गराएको समेत चर्चा चलेको थियो । उनीमाथि मुम्बईसहितका विभिन्न स्थानमा भएका बम आक्रमणमा संलग्न भएको आरोप भारतीय पक्षले लगाएको थियो ।







अटोलाई जेसिबीले दियाे ठक्कर, यस्ताे छ अवस्था 
अटोलाई जेसिबीले दियाे ठक्कर, यस्ताे छ अवस्था 

भीमदत्तनगर । शुक्रबार बिहान भएको दुर्घटनामा परी मृत्यु भएका तीनै जनाको सनाखत भएको छ ।  कञ्चनपुरको भीमदत्तनगरपालिका–६ वनगाउँस्थित पूर्व–पश्चिम राजमार्गमा गड..

विदेशी टिभी च्यानल हेर्न नपाउने कानुन ल्याउँदै ओली सरकार, करोडौंको राजस्व गुम्ने
विदेशी टिभी च्यानल हेर्न नपाउने कानुन ल्याउँदै ओली सरकार, करोडौंको राजस्व गुम्ने

काठमाडौं । केपी शर्मा ओली नेतृत्वको कम्युनिस्ट सरकारले नयाँ विज्ञापन नीति ल्याउँदै छ । देशमा सञ्चालित विदेशी टेलिभिजन च्यानलहरु बन्द गर्नेगरी आउन लागेको नियमका कारण अब नेपाली..

जाली नोट प्रकरण : नेपाल–भारत सम्बन्ध बिगार्ने पाकिस्तानको 'साजिस' ?
जाली नोट प्रकरण : नेपाल–भारत सम्बन्ध बिगार्ने पाकिस्तानको 'साजिस' ?

काठमाडौं । लोकसभा निर्वाचनबाट भारतको सत्ता चलाउन फेरि सत्तारुढ भारतीय जनता पार्टी नै चुनिएको खबर दिईरहेका नेपाली मिडियामा शुक्रबार अचानक अर्को ठूलो अपराधको समाचार फैलियो ।&nbs..

हावाहुरी अपडेट : ९० किलोमिटरको गतिमा भूमरीसहित चलेको थियो हुरी
हावाहुरी अपडेट : ९० किलोमिटरको गतिमा भूमरीसहित चलेको थियो हुरी

काठमाडौं । आईतबार बेलुकी बारा र पर्सामा चलेको हावाहुरीको गति ९० किलोमिटरभन्दा बढी रहेको पाईएको छ ।  निकै ढिला गरि जल तथा मौसम विज्ञान विभागले गरेको विश्लेषणअनुसार पोखर..