चिनियाँ डिजाइनः प्रचण्डको पासोमा मन्त्री उपेन्द्र, आेली फाल्न फोरम सरकारबाट बाहिरिने


नेपाल पाना प्रकाशित: २०७५-८-१९ गते
चिनियाँ डिजाइनः प्रचण्डको पासोमा मन्त्री उपेन्द्र, आेली फाल्न फोरम सरकारबाट बाहिरिने

काठमाडाैं । उपप्रधानसहित दुई मन्त्रालय सम्हालेर सरकारमा सहभागी भएको संघीय समाजवादी फोरम सरकारलाई दिएको समर्थन फिर्ता गर्दै सरकारबाट बाहिरिने भएको निश्चित छ । 

नेकपाका अध्यक्ष एवं प्रधानमन्त्री केपी शर्मा आेली नेतृत्वको सरकार ढाल्ने अर्का अध्यक्ष प्रचण्डको रणनीतिमा उपप्रधान तथा स्वास्थ्यमन्त्री उपेन्द्र यादवले हालेमालो गर्न सरकारबाट बाहिरिन लागेको स्रोतको दावी छ । सरकार ढाल्ने खेलमा अहिले एक्लिदै गएका नेकपाका नेता झलनाथ खनाल समेत सक्रिय ढंगले लागेका छन् । नेता खनाल आेलीसँग रिस साँध्न सरकार गिराएरै छाड्ने प्रतिवद्धता चिनियाँ राजदुत मार्फत चीनको सरकारी उच्च निकायसम्म लैजान दुतावास समक्ष अनुरोध गरेको स्रोतले जनाएको छ । 

चिनियाँ राजदुतसँगको गोप्य भेलापछि जागरुक बनेका प्रचण्डलाई साथ दिन पुगेका मन्त्री यादवले संविधान संशोधनको मुद्धालाई लिएर सरकारबाट बाहिरिने योजना बनाएको नेकपा निकट एक नेताले जनाए । 

युनिफिकेसन चर्चको कार्यक्रममा ज्यान फालेर लागेका प्रधानमन्त्री आेली र माधव नेपालको कुनै भरोसा छैन भन्दै चिनियाँ राजदुतले प्रचण्डलाई बोलाएर सरकार निर्माणबारे रोडम्याप तयार पारेको खुल्न आएको छ । 

मन्त्री यादवले सरकारबाट बाहिरिन संविधान संशोधनको मुद्धा लिएर जाने बताइएपनि सरकारबाट बाहिरिनुको रहस्य भने बेग्लै रहेको नेकपा निकटका एक मन्त्रीले जनाएका छन् । उनले भने, हिजोको मन्त्रीपरिषद वैठकमा प्रधानमन्त्री सँग उहाँको बोलाबोल भएको छ । उपेन्द्र जीको संकेत अन्त कतै थियो तर, सरकारी अस्पतालमा बेड थपाै भनेर बखेडा झिक्न खोज्नु भो । 

आेली नेतृत्वको सरकार गिराएर प्रचण्डलाई प्रधानमन्त्री बनाउन चीन विभिन्न शक्तिकेन्द्रको प्रयोग गरिरहेको समेत स्रोतको दावी छ । चीनले प्रचण्डलाई प्रधानमन्त्री बनाएपछि वर्तमान मन्त्री यादवलाई समेत गृह या परराष्ट्रमन्त्रालयको जिम्मेवारी दिने सहमति गरेर अगाडि बढ्न सल्लाह दिएपछि सरकार गिराउने खेलको सुरुवात भएको हो । उसो त चीनले इसाई धर्मालम्बीलाई आफनो देशमा कैदी बनाएर विभिन्न स्थानमा राखेको विदेशी संचार माध्यमले समेत जनाउँदै आएका छन् । 

नेपालमा भारतीयको प्रभाव बढ्दै गएको र क्रिश्चियन धर्मको प्रचार हुने विवादीत कार्यक्रमले चीनमा रहेका इसाई धर्मालम्बीहरुले बखेडा झिक्ने भन्दै चिनियाँहरु डराएका हुन् । सोमबारको मन्त्रीपरिषदमा मन्त्री यादवले प्रचण्डको सन्देश पाएसँगै विवाद सुरु गरेका थिए । 

सरकारले पछिल्लो समय विवादीत काममा धेरै चासो र महत्व दिन थालेको निष्कर्षमा पुगेको दुतावास स्रोतले फोरमलाई सरकारबाट बाहिरिन आदेश दिएपछि यादवले सरकारलाई दिएको समर्थन फिर्ताका साथै सरकारबाट बाहिरिने तयारी थालेको स्रोतको दावी छ । 


साउनमै मन्त्रिमण्डल हेरफेर गर्ने तयारी, कस्लाई के जिम्मेवारी दिने ? अधिकांश मन्त्रिहरुको पद धरापमा !
साउनमै मन्त्रिमण्डल हेरफेर गर्ने तयारी, कस्लाई के जिम्मेवारी दिने ? अधिकांश मन्त्रिहरुको पद धरापमा !

काठमाडौं । नेपाल कम्युनिष्ट पार्टीका अध्यक्ष समेत रहेका प्रधानमन्त्री केपी शर्मा ओली र अर्का अध्यक्ष प्रचण्डले पार्टीको महत्वपूर्ण विभागहरुमा भागवण्डाको सहमति बनाउँदै गर्दा मन..

लोकसेवाको विज्ञापन विरुद्ध माइतीघर मण्डलामा प्रदर्शन
लोकसेवाको विज्ञापन विरुद्ध माइतीघर मण्डलामा प्रदर्शन

काठमाडौं । लोकसेवाको विज्ञापन विरुद्ध आदिवासी जनजातिहरुले लोकसेवा विज्ञापन खारेज गर जस्ता नारा लगाउँदै माइतीघर मण्डलामा प्रदर्शन गरेका छन् ।  संविधानमा व्यवस्था भएको स..

कांग्रेसका सांसदहरुले संसदीय समितिको बैठक स्थगित गर्न गरे माग
कांग्रेसका सांसदहरुले संसदीय समितिको बैठक स्थगित गर्न गरे माग

काठमाडौं । संसदीय समितिको बैठक स्थगित गर्न प्रमुख प्रतिपक्ष दल नेपाली कांग्रेसका सांसदहरुले माग गरेका छन् । नेपाली कांग्रेसका प्रतिनिधिसभाका सांसदद्वय डा। डिला संग्रौला र द..

सोमबार संसद बैठक स्थगित गरेकोमा सभापति देउवाको आपत्ति
सोमबार संसद बैठक स्थगित गरेकोमा सभापति देउवाको आपत्ति

काठमाडौं । आज संसद बैठक स्थगित गरेकोमा नेपाली काङ्ग्रेसका सभापति शेरबहादुर देउवाले आपत्ति जनाएका छन् । संसदको सोमबारको बैठक सूचना टाँसेर स्थगित गरिएको छ । बैठकपछि सञ्चारकर्..