झलनाथ खनालको आक्रोसः प्रधानमन्त्री ओली राजा महाराजा हो र ? कि सन्त महन्त हो ?

  |   प्रकाशित :

काठमाडाैं । नेपाल कमयुनिष्ट पार्टीका नेता एवं पूर्वप्रधानमन्त्री झलनाथ खनालले प्रधानमन्त्री केपी शर्मा आेलीको कार्यशैली सहि ढंगले गतिमा नगएको भन्दै आलोचना गरेका छन् ।

एक रेडियोलाई अन्तरवार्ता दिदै नेता खनालले भनेका छन्, पार्टी अध्यक्षलाई हामीले नै सरकारमा पठाएको हो । हाम्रो कुरा नसुन्ने, बैठक नबसाल्ने गर्नाले अराजकता निम्तियो । आज हुने बैठकमा यसबारे गम्भीर छलफल हुन्छ ।  

प्रधानमन्त्री आेलीको व्यवहारले आजित भएको जनाउदै आएका खनालले यस्तै अवस्था आएमा प्रधानमन्त्रीले पार्टी र सरकारबाटै नेतृत्व छाडेर जानुपर्ने चेतावनी दिएका छन् । नेता खनालले पार्टी र जनतालाई डुबाउन कुनैपनि हालतमा नदिने भन्दै आफू खरो ढंगले उत्रिने जनाएका छन् । 

तपाईँले प्रधानमन्त्रीका अगाडी सरकारको आलोचना गर्न सक्नुहुन्छ भन्ने प्रश्नमा खनालले भनेका छन्, हामी प्रधानमन्त्रीका सामु दब्नुपर्ने कुनै जरुरी छैन । केपी ओली भनेको राजा महाराज हो र ? कि सन्त महन्त हो ? उहाँलाई हामीले नै अध्यक्ष र प्रधानमन्त्री बनाएको हो । दिएको जिम्मेवारी पूरा भयो कि भएन भनेर हामी निर्धक्कसँग बोल्न सक्छौँ ।

© Copyright Nepalpana.com 2020. All rights reserved.
Design & Developed By Journey For Tech