तेलको ट्याङ्कर विस्फोट, ६० जनाको ज्यान गयो


नेपाल पाना प्रकाशित: २०७५-९-२८ गते
तेलको ट्याङ्कर विस्फोट, ६० जनाको ज्यान गयो

काठमाडौं । नाइजेरियाको ओडुकपानी भन्ने ठाउँमा तेल ट्याङ्कर विस्फोट हुँदा धेरैको ज्यान गएको आशंका गरिएको छ । घटनामा १२ जनाको शव भेटिएको छ ।

पल्टिएको ट्याङ्करबाट चुहिएको तेल संकलन गर्न गएका स्थानीयहरुको विस्फोटमा परेर ज्यान गएको त्यहाँको प्रहरीले जनाएको छ । ट्याङ्कर पल्टिएपछि तेल चुहावट भएको थियो ।

स्थानीयवासी त्यही चुहिएको तेल संकलन गर्न त्यहाँ झुम्मिएको र त्यसै बेला तेल ट्याङ्कर विस्फोट भएकाले धेरै जनाको ज्यान गएको प्रहरीले जनाएको छ । घटनामा गम्भीर घाइते भएका २२ जनालाई अस्पताल लगिएको प्रहरीले जनाएको छ ।

घटना शुक्रबार भएको हो । केही स्थानीयवासीले ६० जनाभन्दा बढीको ज्यान गएको बताएका छन् । तर प्रहरीले १२ जनाको शव संकलन गरेको छ । धेरै जना विस्फोटमा परेर खरानी भएको आशंका गरिएको छ ।

विस्फोट भएको ट्याङ्करबाट तेल निकाल्न विद्युतीय जेनेरेटर ल्याइएको र त्यही जेनेरेटरका कारण विस्फोट भएको त्यहाँको प्रहरीले जनाएको छ ।


बाढीका कारण दक्षिणी सुडानमा २ लाख नागरिक विस्थापित
बाढीका कारण दक्षिणी सुडानमा २ लाख नागरिक विस्थापित

जुबा । दक्षिणी सुुडानमा आएको बाढीबाट कम्तीमा पनि २ लाख नागरिक विस्थापित भएका छन् । दक्षिणी सुडानका उत्तरपूर्वी क्षेत्रमा आएकोे बाढीमा परी ती नागरिक विस्थापित भएका हुन् । ना..

हात्तीको कारण द्रुत गतिका ट्रेन रोकियो !
हात्तीको कारण द्रुत गतिका ट्रेन रोकियो !

काठमाडौं । वन्य जन्तुहरुको संरक्षण गर्नु हाम्रो दायित्व हो । विभिन्न देशहरुले वन्य जन्तुको संरक्षणको लागि क्षेत्रहरु छुटाएका छन् । त्यस्तै उत्तर बंगालको वन क्षेत्रमा पनि वन..

मस्जिदमा बम बिस्फोट, ६२ जनाको मृत्यु
मस्जिदमा बम बिस्फोट, ६२ जनाको मृत्यु

काठमाडौं । अफगानस्तान एक मस्जिदमा बम बिस्फोट हुँदा ६२ जनाको ज्यान गएको छ । शुक्रबार नमाज पढिरहेका बेला मस्जितमा बम बिस्फोट भएको हो । अफगानी अधिकारीहरुका अनुसार पूर्वी नानगह..

गाडिएको शिशु ७ दिनपछि चिहानमा रोएपछि...
गाडिएको शिशु ७ दिनपछि चिहानमा रोएपछि...

काठमाडैं । गाडिएको शिशु सात दिनपछि चिहानमा रोइन् । जमिनमुनी बच्चा रोएको सुनेपछि चिहानमा काम गर्ने चकित परे । उनीहरु यताउता हेर्न थाले । जब जमिनमुनी बच्चा रोएको थाहापाए भोगदौड..