राजपाको संयोजक फेरिँदै, अबकाे संयोजक महेन्द्रराय यादव


नेपाल पाना प्रकाशित: २०७५-१०-३ गते
राजपाको संयोजक फेरिँदै, अबकाे संयोजक महेन्द्रराय यादव

काठमाडौं । दुई दुई महिनामा चक्रीय प्रणालीका आधारमा अध्यक्षमण्डलको संयोजक फेर्ने प्रावधान अनुसार राष्ट्रिय जनता पार्टी नेपालका अध्यक्षमण्डलका संयोजक पुनः फेरिने भएको छ । त्यसका आधारमा अब महेन्द्रराय यादव संयोजक हुने भएका छन् । 

२०७४ वैशाखमा राजपा नेपाल गठन हुँदा महन्थ ठाकुरलाई अध्यक्षमण्डलको संयोजक बनाइएको थियो । तर महाधिवेशनसम्म संयोजक नफेर्ने भन्दै आपसी सहमतिका आधारमा ठाकुरलाई नै संयोजकमा नियमित गरेको थियो तर मङ्सिर ४ गते अध्यक्षमण्डलको बैठक बसेर ठाकुरलाई सो पदबाट हटाएर राजेन्द्र महतोलाई बनाएको थियो । 

ठाकुरलाई हटाएर राजेन्द्र महतो संयोजक बनेपछि पार्टीमा विवाद उत्पन्न भएको थियो । ठाकुर पक्षले विधानविपरीत हटाएको भनी दाबी गर्दै आएको थियो । यता, ठाकुर संयोजक रहेको अवस्थामा पार्टीमा जथाभावी गरेको कारण हटाएको दाबी महतो पक्षले गरेको छ । 

दुई(दुई महिनामा अध्यक्षमण्डलको संयोजक फेर्ने पार्टी विधानमा रहेको प्रावधानलाई लागू गर्ने भनेर नै महतो पछि महेन्द्र राय यादव संयोजक बन्न लागेका हुन् । 

शुक्रबार अध्यक्षमण्डलको बैठक बसेर महेन्द्रराय यादवलाई संयोजक सुम्पिने बताइएको छ । महेन्द्रराय यादव हाल उपचारका लागि दिल्ली गएका छन् । उनी उपचार गरेर फर्केपछि भोलि बैठक बस्ने पार्टीका एकजना महासचिवले जानकारी गराए ।

यसैगरी, राजपा नेपालले लक्ष्मण थारुको मुद्दालाई पनि उठाउने भएको छ । विजयकुमार गच्छदार अध्यक्ष रहेको लोकतान्त्रिक फोरमका नेता रहेका थारु कैलाली टीकापुर घटनाको आरोपमा उनी जेलमा छन् । 

उनको पार्टी काँग्रेससँग एकीकरण गरिसकेको छ । एकीकरण गरे पनि उनको रिहाइका लागि कुनै पनि गतिविधि गरेको छैन । उनी जेलमा हुँदा नै राजपा निकट भएका छन् । 

त्यसरी राजपा निकट भएपछि सो पार्टीका नेता महन्थ ठाकुर उनलाई भेट्नका लागि जेलसम्म पुगेका थिए । अहिले रेशम चौधरीको जस्तै लक्ष्मण थारुको मुद्दालाई पनि जोडदार रूपमा उठाउने निर्णय भोलि बस्ने अध्यक्षमण्डलको बैठकबाट गर्न लागिएको बताइएको छ ।







तपाईं क्रान्तिकारी नेता हो भन्दै प्रशंसा गरे बंगलादेशका राष्ट्रपति
तपाईं क्रान्तिकारी नेता हो भन्दै प्रशंसा गरे बंगलादेशका राष्ट्रपति

काठमाडौं । नेपालको औपचारिक भ्रमणमा रहेका बंगलादेशका राष्ट्रपति मोहम्मद अब्दुल हमिदले सत्तारुढ नेकपाका अध्यक्ष प्रचण्डलाई क्रान्तिकारी नेता भन्दै प्रशंसा गरेका छन् । हमिदसँग ने..

प्रधानमन्त्री ओली, प्रचण्ड र देउवाबीच संवैधानिक आयोगमा नियुक्तिबारे सहमति
प्रधानमन्त्री ओली, प्रचण्ड र देउवाबीच संवैधानिक आयोगमा नियुक्तिबारे सहमति

काठमाडौं । प्रधानमन्त्री केपी शर्मासहित दुई पूर्व प्रधानमन्त्रीहरु प्रचण्ड र शेरबहादुर देउवाबीच संवैधानिक आयोगमा नियुक्तिबारे सहमति जुटेको छ ।  अख्तियार दुरुपयोग अनुसन..

देउवाकाे प्रश्न - राष्ट्रवादी भनिएका ओली भारतले आफ्नो नकसामा नेपालका भूमि समावेश गरे पनि किन बोलेनन् ?
देउवाकाे प्रश्न - राष्ट्रवादी भनिएका ओली भारतले आफ्नो नकसामा नेपालका भूमि समावेश गरे पनि किन बोलेनन् ?

हेटौंडा । नेपाली कांग्रेसका सभापति तथा पूर्व प्रधानमन्त्री शेरबहादुर देउवाले भारतले नयाँ नक्सामा नेपालका भूमि समावेश गरे पनि राष्ट्रवादी प्रधानमन्त्री केपी शर्मा ओली चुप बसेको..

प्रधानमन्त्री ओली र बंगलादेशका राष्ट्रपति अब्दुल हमिदबीच भेटवार्ता
प्रधानमन्त्री ओली र बंगलादेशका राष्ट्रपति अब्दुल हमिदबीच भेटवार्ता

काठमाडौं । मंगलबार नेपाल भ्रमणमा आएका ब‌गलादेशका राष्ट्रपति मोहम्मद अब्दुल हमिद र प्रधानमन्त्री केपी शर्मा ओलीबीच भेटवार्ता भएको छ । बुधबार काठमाडौंको मेरियट होटलमा भए..