चिनीया सामानमाथि करबृद्धि स्थगन गर्ने ट्रम्पको घोषणा


एजेन्सी प्रकाशित: २०७५-११-१३ गते
चिनीया सामानमाथि करबृद्धि स्थगन गर्ने ट्रम्पको घोषणा

वासिङ्टन । संयुक्तराज्य अमेरिकाका राष्ट्रपति डोनाल्ड ट्रम्पले चीन र अमेरिकाबीचको व्यापार वार्तामा “सन्तोषजनक प्रगति” भएको भन्दै चिनीया सामानको आयातमा यसअघि घोषणा गरिएको करबृद्धिको प्रस्ताव स्थगन गर्न लागेको बताएका छन्।

दुई मुलुकबीचको व्यापार सम्झौताका लागि चिनीया राष्ट्रपति सी चिनफिङसँग शिखर वार्ता हुने अपेक्षा गरिएको पनि राष्ट्रपति ट्रम्पले जानकारी दिए।

अर्को दुई साताभित्रै “निकै ठूलो समाचार” आउनेछ, राष्ट्रपति ट्रम्पले भने । वार्तामा थप प्रगति भएमा अमेरिकाको फ्लोरिडास्थित राष्ट्रपति ट्रम्पको मार–ए–लेगो रिसोर्टमा चिनीया राष्ट्रपति सीलाई भेट्ने योजना रहेको पनि ट्रम्पले बताउए।

आइतबार सम्पन्न भएको तर चार दिनदेखि वासिङ्टनमा जारी वार्तामा दुई मुलुकका वरिष्ट अधिकारीहरुले भाग लिएका थिए।

संयुक्तराज्य अमेरिकाले वार्तामा सहमति नभए आगामी मार्च १ तारिखदेखि नै लागू हुनेगरी करिब २०० अर्ब अमेरिकी डलर बराबरका चिनीया सामानमा २५ प्रतिशत कर लगाउने राष्ट्रपति ट्रम्पले घोषणा गरिसकेका छन्। तर राष्ट्रपति ट्रम्पले वार्ता निकै सन्तोषजनक रुपमा अघि बढेकाले मार्च १ तारिखको सीमालाई बढाउन आफू तयार रहेको जानकारी दिए।

“चीनसँग जारी व्यापार वार्ता सकारात्मक रुपमा अघि बढेकामा मलाई खुशी लागेको छ । खासगरी, चीनले बौद्धिक सम्पत्तिको संरक्षण, प्रविधि हस्तान्तरण, कृषि, सेवा, मुद्रा तथा अरु विविध विषय समेतका महत्वपूर्ण संरचनागत मुद्दामा सकारात्मक जवाफ दिएको छ,” ट्रम्पले ट्वीट गर्दै भनेका छन।

चीनको सरकारी समाचार संस्था सिन्ह्वाले पनि वार्तामा निकै सकारात्मक प्रगति भएको जनाएको छ । चिनीया व्यापार वार्ता प्रतिनिधिमण्डलको नेतृत्व उपप्रधानमन्त्री लिउ हे ले गरेका छन्।







जेठ २२ गते प्रदेश १ को नीति सार्वजनिक हुने
जेठ २२ गते प्रदेश १ को नीति सार्वजनिक हुने

मोरङ । जेठ २२ गते प्रदेश १ को नीति तथा कार्यक्रम सार्वजनिक हुनेभएको छ । प्रदेश १  मन्त्रिपरिषद्को  बिहिबार साँझ बसेको बैठकले नीति तथा कार्यक्रमको मिति तय गरेको हो..

नेपाल सांस्कृतिकरुपमा समृद्ध देश : प्रधानमन्त्री ओली
नेपाल सांस्कृतिकरुपमा समृद्ध देश : प्रधानमन्त्री ओली

काठमाडौँ । प्रधानमन्त्री केपी शर्मा ओलीले नेपाल सांस्कृतिकरुपमा समृद्ध देश भएको बताउनुभएको छ ।  किराँत धर्मावलम्बीको महान् चाड उभौलीका अवसरमा आज शुभकामना सन्देश जारी ग..

कैलालीमा कडा सुरक्षा देखिएपछि रेशम चौधरीलाई छुटाउन सप्तरीमा चालियो यस्तो कदम, सिधै प्रधानमन्त्रीलाई...
कैलालीमा कडा सुरक्षा देखिएपछि रेशम चौधरीलाई छुटाउन सप्तरीमा चालियो यस्तो कदम, सिधै प्रधानमन्त्रीलाई...

पछिल्लो समयमा कैलालीमा कडा सुरक्षा बनाइएको छ। संघीय संसद सदस्य पदको शपथ लिएका रेशमलाल चौधरीसहित ११ जनामाथि लागेको जन्मकैदको मुद्दा खारेज गरी अविलम्ब रिहा गर्नु पर्ने भन्दै सप्..