अमेरिकामा ट्रम्प जिताउन रूसका पुटिनले गढबढी नगरेको निष्कर्ष


रासस/एएफपी प्रकाशित: २०७५-१२-१२ गते
अमेरिकामा ट्रम्प जिताउन रूसका पुटिनले गढबढी नगरेको निष्कर्ष

वासिङ्टन । महान्यायाधिवक्ता विलियम बारले अमेरिकी संसद्का लागि तयार पारेको सारांशमा अमेरिकी राष्ट्रपति डोनाल्ड ट्रम्पको अभियान र रुसबीच साठगाँठ भएको प्रमाण नभेटिएको उल्लेख गरिएको बताइएको छ।

गत राष्ट्रपतीय निर्वाचन अभियानसँग सम्बन्धित विवादबारे छानबिन गरेका अमेरिकी विशेष अनुसन्धानकर्ता रोबर्ट मुलरले कङ्ग्रेसमा बुझाएको प्रतिवेदनको सारांशमा ुट्रम्पले न्याय निरूपणमा अवरोध नगरेकोु भनेर निष्कर्ष निकालिएको छैन। अर्थात् सो आरोपमा ट्रम्पलाई सफाइ भने मिलेको छैन। 

दुई वर्षको यस अनुसन्धानका क्रममा राष्ट्रपति ट्रम्पका थुप्रै पूर्वसहयोगीहरूलाई मुद्दा चलाइयो। केहीलाई जेल पनि पठाइएको थियो।

यसैबीच प्रतिवेदनबारे ट्रम्पले ट्विटरमा आफूले सफाइ पाएको दाबी गरेका छन्। उनले पत्रकारहरूलाई संक्षिप्त प्रतिक्रिया दिँदै भने, ुयो लाजको विषय हो कि देश यस्तो प्रक्रियामा जानुपर्‍यो। साँच्चै भन्नुपर्दा जसरी तपाईंहरूका राष्ट्रपतिले चुनाव जित्नुअगावै यसरी अगाडि बढ्नुपरेको यो लज्जाको विषय हो।ु

"कसैले गैरकानुनी तरिकाबाट अगाडि बढेको यसको अर्को पक्षलाई पनि खोज्नु जरूरी छ । यो मानमर्दनको गैरकानुनी प्रयास थियो, अन्ततः असफल सिद्ध भयो,'' उनले थपे।

बारले तयार पारेको सारांशपत्रमा सन् २०१६ को राष्ट्रपतीय निर्वाचनमा रुसी प्रभावबारे मुलरले गरेको अनुसन्धानबाट थाहा भएका तथ्यहरूको सारांश छ।

बारले संसदलाई लेखेको पत्रमा भनेका छन्, "विशेष अनुसन्धानकर्ताले कुनै अमेरिकी नागरिक वा ट्रम्प अभियानका अधिकारीले रुससँग मिलेर षड्यन्त्र गरेको वा नियतवश सहकार्य गरेको तथ्य भेटिएन।'' विशेष अनुसन्धानकर्ताको प्रतिवेदनमा ‘अन्ततः परम्परागत अभियोजनात्मक निर्णय’ भने दिइएको छैन।

"तसर्थ विशेष अनुसन्धानकर्ताले छानबिन गरिएको आचार अवरोध हो कि हैन भनेर कुनै निष्कर्ष निकालेका छैनन्'', पत्रमा भनिएको छ। यसबाट ट्रम्पले न्यायमा अवरोध पुर्‍याउने अपराध गरेको भन्ने प्रमाणित हुन नसक्ने बारले दाबी गरेको छ।

कङ्ग्रेसलाई पठाएको पत्रमा बारले प्रतिवेदनका अन्य कुरा पनि सार्वजनिक गर्ने तर केही सामग्री भने सार्वजनिक गर्न नमिल्ने उल्लेख गरेका छन्।

डेमोक्रेटिक पार्टीका संसद सदस्य जेरी न्याड्लरले महान्याधिवक्ताले ट्रम्पले न्यायमा अवरोध गरेको हुनसक्ने सम्भावनालाई खण्डन नगरेको टिप्पणी गरेका छन्। सोही दलका सिनेटर रिचर्ड ब्लुमेन्थलका अनुसार मुद्दा चलाउनेगरी आपराधिक षड्यन्त्र गरेको प्रमाण नभए पनि ट्रम्पबारे प्रश्नहरू यथावत रहेका छन्।

सभामुख न्यान्सी पलोसी र सिनेटर चक शुमरले संयुक्त विज्ञप्तिमार्फत् ’महान्यायाधिवक्ता बारले सारांशपत्र पठाएर जवाफ दिइरहँदा त्यसले थुप्रै प्रश्न उठाएको’ भन्दै पूर्ण प्रतिवेदन सार्वजनिक गर्न माग गरेका छन्।

ह्वाइट हाउसकी प्रवक्ता सारा स्यान्डर्सले प्रतिवेदनले राष्ट्रपतिलाई पूर्णतः सफाइ दिएको दाबी गरेकी छिन्। प्रतिवेदनबाट डेमोक्रेट्स निराश बनेका छन् भने राष्ट्रपतिसहित रिपब्लिकन नेता तथा उनका शुभेच्छुक उत्साहित देखिएका छन्।

प्रतिवेदनको निष्कर्षले अमेरिकी निर्वाचनमा पुनः राष्ट्रपतिको उम्मेदवार बन्ने ट्रम्पको योजनामा राहत हुने अनुमान गरिएको छ।







प्रहरीमाथि अन्धाधुन्ध गोली प्रहार, पाँच जना प्रहरीको मृत्यु
प्रहरीमाथि अन्धाधुन्ध गोली प्रहार, पाँच जना प्रहरीको मृत्यु

काठमाडौं । भारत झारखण्डको सरायकेला खरसांवामा नक्सलवादीको आक्रमणबाट पाँचजना प्रहरीको मृत्यु भएको छ।  शुक्रबार राति नक्सलवादीले आक्रमण गरेको र त्यसमा दुई सब इन्स्पेक्टर..

भारतको झारखण्डमा माओवादी विद्रोहीले पाँच प्रहरी मारिदिए 
भारतको झारखण्डमा माओवादी विद्रोहीले पाँच प्रहरी मारिदिए 

बीबीसी । भारतको झारखण्ड राज्यमा पर्ने सरायकेला खरसांवा जिल्लामा शुक्रबार साँझ सशस्त्र माओवादी विद्रोहीले प्रहरी सवार गाडीमा आक्रमण गरेका छन् । आक्रमणबाट पाँच प्रहरीको मृत्य..

इमरान खानले तोडे कुटनीतिक मर्यादा, विश्वका नेतासामु गरेको उठबस 'भाइरल'
इमरान खानले तोडे कुटनीतिक मर्यादा, विश्वका नेतासामु गरेको उठबस 'भाइरल'

काठमाडौं । पाकिस्तानी प्रधानमन्त्री इमरान खानले विश्वका राष्ट्रप्रमुखकै अगाडी कुटनीतिक मर्यादा तोडेका छन् । सांघाई सहयोग संगठन (एससीओ) को बैठकमा भाग लिन किर्गिजस्तान पुगेका..

पुरुष सांसदले महिला सांसदलाई थप्पड प्रहार गरेपछि...
पुरुष सांसदले महिला सांसदलाई थप्पड प्रहार गरेपछि...

काठमाडौं । महिला सांसद फातुमा गेडीमाथि थप्पड प्रहार गर्ने पुरुष सांसद राशिद कासिम गिरफ्तारमा परेका छन् ।  अन्तर्राष्ट्रिय सञ्चार माध्यमले जनाए अनुसार, यो घटना केन्याको..