शुक्रवार, मंसिर ५ गते २०८३
काठमाडौं । विश्वको धार्मिक जनसंख्यामा आगामी वर्षहरूमा ठूलो परिवर्तन आउने अनुमान गरिएको छ ।
अमेरिकास्थित प्यू रिसर्च सेन्टरको अध्ययनअनुसार सन् २०३५ सम्ममा इस्लाम धर्मावलम्बीको संख्या इसाई धर्मावलम्बीको नजिक पुग्ने अनुमान गरिएको छ ।
अध्ययनअनुसार सन् २०३५ सम्म विश्वभर मुस्लिम धर्मावलम्बीको संख्या करिब २ अर्ब ५७ करोड पुग्नेछ भने इसाई धर्मावलम्बीको संख्या २ अर्ब ५२ करोड हुने प्रक्षेपण गरिएको छ ।
त्यस्तै, सन् २०७० सम्ममा मुस्लिम जनसंख्या सन् २०२० को तुलनामा करिब ७० प्रतिशतले वृद्धि भई ३ अर्ब ६० करोड पुग्न सक्ने अनुमान छ ।

तर, यही अवधिमा बौद्ध धर्मावलम्बीको संख्यामा भने करिब २३ प्रतिशतले गिरावट आउन सक्ने अध्ययनले देखाएको छ ।
जन्मदर, उमेर संरचना र जनसांख्यिक परिवर्तनसँगै विश्वको धार्मिक जनसंख्याको स्वरूप पनि बदलिँदै गएको छ। आगामी दशकहरूले विश्वको धार्मिक नक्सामा कस्तो परिवर्तन ल्याउलान् भन्ने चासो बढेको छ ।